MINISTER ENDY CROES A ATENDE E CEREMONIA DI APERTURA DI E PROME TAYER DI ANTI-DOPING EDUCATOR INSTRUCTOR TRAINING DI REGION
ORANJESTAD: Siman pasa, a tuma luga e prome tayer di Anti-Doping Educator Instructors Training di region. E seminario aki a tuma luga na Aruba, unda cu 11 pais a participa. E tayer tabata un colaboracion entre Caribbean Regional Anti-Doping Organization (RADO), Comite Olimpico Arubano (COA) y Comision Anti- Doping di Aruba. Sigur por mira atras riba un training fructifero. E facilitadonan di United Kingdom Anti-Doping (UKAD), United States Anti-Doping Agency (USADA) y Caribbean RADO a brinda e training aki na e participantenan. Despues di cada sesion a dialoga riba e plan strategico di ambos organisacion durante e ultimo añanan. E meta di training aki ta pa train e personanan cu ya caba tin experencia riba tereno di anti-doping, pa nan bira Anti-Doping Trainers cual na nan turno lo educa otro personanan pa bira educadonan di anti-doping. Pa asina aki, cada pais por logra establece un programa structural di educacion di anti-doping. Minister Endy Croes tabata presente na apertura di e tayer aki. E tayer ta di vital importancia, ya cu 2024 ta aña olimpico y nos kier pa nos atletanan ta bon prepara, educa y ta consciente di e peligernan di doping. Tambe, e aña aki WADO lo haci evaluacion si tur pais ta cumpli cu e rekisitonan di e World Anti-Doping Code Compliance 2024, di cual educacion di anti-doping tin e prioridad mas halto riba e lista hunto cu e test di anti-doping.
UKAD National Trainer, Sra. Wendy Henderson, a indica cu e “partnership” cu Caribbean RADO ta uno valioso. E tayer di “train the trainer” a brinda oportunidad pa trece hunto educadonan di “clean sport” di region Caribe. Cu sosten di UKAD a desaroya tecnicanan pa instrui, como tambe habilidad pa train y mentor pa asina prepara mas educado anti-doping den nos region. E conocemento, experticio y disponibilidad pa siña a produci hopi manera placentero y creativo pa educa atleta riba tema di anti-doping. USADA Director of Elite Education, Sra. Tammy Hanson, a expresa di ta sumamente impresiona cu e interes di e participantenan pa siña, amplia nan programa di educacion y pa duna educacion y train e siguiente generacion di educadonan.
Pa conclui, Minister Endy Croes ta felicita Caribbean Regional Anti-Doping Organization (RADO), Comite Olimpico Arubano (COA) y Comision Anti- Doping di Aruba cu un tayer exitoso! Pabien na e 11 instructornan di anti-doping cu a finalisa e tayer cu exito!
