Aruba Bank ta promove musica y cultura como sponsor principal di Aruba Caiso & Soca Monarch pa Carnival 70

Oranjestad – 29 di januari 2024 – Aruba Bank ta contento di por a sponsor Aruba Caiso & Soca Monarch den Carnival 70. E evento cu a tuma lugar diabierna 26 di januari y diasabra 27 di januari 2024 na Aruba Carnival Village a mustra talento musical di caliber halto cu un ambiente festivo di Carnival.

Aruba Bank a compromete na sostene y promove iniciativanan cultural den nos comunidad. Como sponsor principal, e banco a hunga un rol clave den e exito di Aruba Caiso & Soca Monarch, contribuyendo na e celebracion di nos cultura.

Nos ta contento di por a sostene Aruba Caiso & Soca Monarch durante Carnival 70. E evento aki ta duna nos e oportunidad pa celebra nos cultura y uni comunidad den un ambiente musical.

E ganadornan absoluto di e competencia tabata EK di Youth Extreme (Caiso Winner), Rocco Flava di Buleria (Groovy Soca Winner) y Galloway di Tsunami (Power Soca Winner), mustrando talento y creatividad excepcional, captivando tanto e audiencia como e huradonan.

Aruba Bank ta felicita tur participante como tambe Stichting Musica pa organisa un tremendo evento.