ππͺπ―πͺπ΄π΅π¦π³ ππ°π€π€π° ππ«π°π―:π ππ£π₯π’ππ ππ‘π©ππ₯π¦ππ’π‘ π ππ¬π’π‘ππ₯ππ’ π£π π¨π‘ π¦ππ¦π§ππ π ππ π£π’π₯π§π’ππ’π’π‘ π¬ π π’ππππ’ππ’π’π‘ π‘π’ππ’ π£π πππ‘π§ππ₯ ππ¨ππ₯π£π’ π£π’ππππππ ππ ππ₯π¨ππ
ORANJESTAD – Dialuna, Minister di Husticia y Asuntonan Social sr. Rocco Tjon a aproba e oferta, cual e comicion multidisciplinario a scoge, pa e compra di portofoons nobo pa henter Cuerpo Policial di Aruba
Manera ta conoci, tin hopi inversionnan tumando luga pa cu Cuerpo Policial. Inversionnan cu ta toca e parti di infrastructura, material pero tambe e parti organisatorio.
Ta asina cu, ya pa algun luna tin un ekipo multidisciplinario trahando pa yega na portofoons nobo pa Cuerpo Policial. Esaki ta un di e “toolsβ di mas importante pa e Agente Policial por eherce su trabou optimalmente. Di e forma aki, e por garantisa su propio siguridad y e integridad di Cuerpo Policial aun mas.
Pa prome biaha cada Agente Policial lo haya su propio portofoon, y di e forma aki, manera a indica, ta bay eleva siguridad pa e Agentenan, pero na mes momento ta trata na evita kiebronan di integridad pa loke ta acceso na informacion. Pa e motibo ey tambe a percura pa e “encryption” di mas sofistica.
Banda di esaki, mester remarca cu tur e autonan nobo pa Cuerpo Policial, cual por cierto a yega Aruba caba, tambe lo wordo ekipa cu “mobilofoonsβ. Di e forma aki nos lo sigui inverti den nos departamentonan hudicial e lunanan nos dilanti.
Por ultimo, Minister Tjon kier a gradici e ekipo cu a percura pa e proceso aki wordo encamina manera debe ser y alabes scoge “portofoons” di calidad halto pa henter Cuerpo Policial di Aruba.
