W.E.B ARUBA N.V

Despues cu a prepara e tereno pa e TANKI NOBO NA ALTO VISTA den lunanan anterior, na januari 2024 a completa e ‘starter ring’, un ‘renchi’ di beton riba cual lo instala e tanki nobo di Alto Vista. Den luna di februari a cuminsa basha beton pa asina forma e fundeshi di concrete. Imaginabo cuanto beton mester basha pa yena e fundeshi di e tanki. Pa duna una un idea, un cas averahe ta tuma 4 m3 di beton. E fundeshi di e tanki nobo na Alto Vista ta tuma 535 m3 DI BETON! Segun planning, lo termina e fundeshi na fin di februari.

Habitantenan den vesindario lo por sigui nota trafico di ekipo pisa den e area y e posibilidad di disturbio di ruido. WEB ta pidi disculpa y ta spera di por conta cu comprension di habitantenan. En caso di pregunta of cu ta nota algo straño den e area, por tuma contacto cu WEB su Call Center na 280-4600, of WhatsApp pa WEB Aruba Chat na 525-4600.

E proyecto di Tanki Alto Vista ta forma parti di WEB su proyecto ‘Upgrade Aruba Water Distribution Network’. Ta proyecta pa e proyecto completo keda cla na oktober 2024. #tankialtovista#webaruba#proyecto