Parlamentario Shailiny Tromp-Lee (MEP): Minister Endy Croes a duna un splicacion extenso di e resultado di investigacion encuanto normbedrag

Dia 2 di febrauri 2024, Comision Fiho di Enseñansa di Parlamento, a reuni cu Minister Endy Croes pa trata e topico di “normbedrag” mas den profundidad

Resultado di investigacion 

Durante e reunion Minister Croes a presenta e resultado di e investigacion y tambe kico tur a tuma lugar na trabou pa por logra bin cu e ahuste cu recientemente Parlamento a aproba.

Prome cu a trata e resultado di e investigacion cu Minister Croes a laga realisa e la duna un splicacion cortico encuanto e gastonan cu ta keda cubri door di e normbedrag cu scolnan ta ricibi. Esakinan por keda parti den 7 categoria di gasto: 1. Costo di mantencion y seguro di edificio di scol y lokaal. 2. Costo di limpiesa (schoonmaken) di edificio, lokaal y gastonan di coriente, awa y gas. 3. Costo di mantencion di mueble di e scolnan, 4. Costo pa cumpra material di desaroyo, “hulpmiddel” y necesidadnan di scol. 5. Admistracion. 6. Costo di comision di mayornan. 7. Otro gastonan pa garantisa e “buena marcha” di enseñansa. 

Di acuerdo cu Rapport Erasmus Consulting & Training di 2020 un total di 43% di loke scolnan ta ricibi ta wordo inverti den categoria cuater (4), esta pa cumpra materialnan di desaroyo, “hulpmiddel” y nesecidadnan di scol. Di e subsidio 19% ta bay pa paga gasto di limpiesa di edificio y lokaal di scol, mas e pago di coriente, awa y gas y por ultimo 15% ta bay na pago di gasto di mantencion y seguro di edificio di scol y lokaal. Asina tambe a cres un bista mas cla kico e gastonan principal  di nos scolnan ta.

Pa por a fiha e normbedrag nobo Minister Croes a laga DOW tambe haci e trabounan necesario pa por haci esaki debidamente y conforme loke ley ta prescribi. Den luna di maart 2023 DOW a produci un rapport nobo unda tur scol di SKOA y DPS inicialmente a wordo documenta esta den cantidad y grandura di klaslokalen y tambe tur otro espacio cu scolnan tin. 

Minister a indica cu e intencion ta pa sigui cu documentacion di e otro scolnan den e lunanan nos dilanti. Mescos cu minister a trece padilanti durante di reunion mi ta kier yama DOW pa nan trabou realisa delingentemen y cu nan por a logra porduci e rapport pa Gobierno den tempo record. 

Ahuste normbedrag

A base di e investigacionnan cu a tuma lugar, Gobierno por a tuma e decision pa ahusta e normbedrag y a percura pa aloca e fondonan presupuestario necesario pa por ehecuta e decision pa hisa e normbedrag cu un suma totaal di 6.4 miyon florin. Esaki lo keda otorga e aña aki.

MEP ta cumpli

Sigur e ahuste aki ta muestra cu MEP ta cumpli cu e meta pa sigui duna atencion na e parti di calidad di enseñansa y bin cu solucionnan necesario pa topiconan cu pa hopi aña no a haya e atencion debido. MEP sigur tin enseñansa na curason y a percura pa percura pa un ahustacion di un suma cu desde 2010 no a cambia mas. Mester bisa cu ya na aña 2021 Gabinete Wever-Croes a duna normbedrag atencion pero sigur esaki ainda no tabata cumpli cu ley. Mirando e urgencia, importancia y pa proteha e calidad di enseñansa a percura pa e inhaalslag di e ultimo 10 aña. Sigur mester felicita Minister Endy Croes pa e logro aki.