Aruba Bank a ricibi bishita di studiantenan di Mon Plaisir College MAVO

Oranjestad – 21 di februari 2024 – Den cuadro cu e projecto “BeYourOwnBoss” conhuntamente cu Qredits Aruba, Aruba Bank a ricibi un klas di studiantenan di Mon Plaisir College MAVO pa asina nan ricibi un presentacion for di nos Assistant Retail Sales and Services Manager, Sr. Rodney Geerman.

E studiantenan tin algun luna caba ta bezig cu e projecto “BeYourOwnBoss” caminda nan a ricibi diferente topico nan con pa ta doño di bo propio negoshi y con pa haci esaki. Di tur e biaha nan, nan a ricibi e bishita for di Qredits Aruba y Aruba Bank.

E biaha aki nos a dicidi di haci un cambio door di invita e klas aki pa bin bishita nos branch na Camacuri pa asina por a ricibi e presentacion aki. E topico brinda riba e dia aki a bai over pa wak e diferencia cu por tin ora cu bo ta bai habri un cuenta personal of pa habri un cuenta di negoshi. Tambe a elabora un poco mas ariba e diferente departamentonan cu tin den Aruba Bank.

Studiantenan tabata hopi entusiasma pa siña poco mas di e topico menciona y esaki por yuda nan poco mas pa nan sa kico tur mester pa ora yega asina lew pa mester habri un cuenta di banco sea pa uzo personal of pa negoshi.

Danki na e studiantenan y maestra di Mon Plaisir College MAVO pa a haci e bishita aki.

Hopi exito den e ultimo fasenan prome cu e evento final!