Un Mensahe di Speransa pa e pueblo Boneriano
Komo un akto renkoroso ora ku Hulanda a wordu forsa pa stop ku sklabitut, komo un di e ultimo paisnan Oropeo na 1863 nan malisiosamente a dividi e teritorio di Boneiru, di nos ansestornan, den 7 pida I bende esaki den subasta na 1868 na Korsou na esunan ku paga mas tantu… Klein Boneiru, Slagbaai, Karpata, Salinja- parti suit di Boneiru, Bolivia…ets – Ta pesey awe nos tin tereno priva I erfpacht
Despues nos isla a wordu traishona mas aun pa e elite di Korsou, prome minister di Antia, Jonckheer a enganja Nashonan Uni na 1955 pa kita nos for di lista di protekshon – asina Hulanda no tabatin obligashon mas pa raporta na Nashonan Uni I no tabata accountable mas. Nos futuro e tempu ey a wordu plania pa nos na 1955…
Na 2004, e Mishon di Nashonan Uni ku a bini Boneiru a konseha nos gobierno pa no tene un referendum kual konseho a wordu ignora pa nos gobierno I tur dos UPB I DP a sigui dilanti kana e kaminda pa 10-10-10
Na 2010, ku disolushon di Antia, derechonan di pueblo Boneriano a wordu viola un biaha mas, nos pueblo a wordu malinforma I enganja I re-subordina bao di domino I gobernashon kolonial di Den Haag, esaki sin pueblo su konsentimento
Na 2017, DP I MPB awor M21, e mesun protagonistanan den e mesun sala aki, a duna ok, greenlight, na 1ste I 2de kamer pa integra Boneiru, kontra e deseo di pueblo ku a rechaza e status impone den referendum di 2015. Nos a wordu unilateralmente kita, saka for di den Statuut I forsa aneksa I ankra den Konstitushon Hulandes komo suidadanonan segundo, tersera klase den un systema di gobernashon kolonial. E pueblo Boneriano no a konsenti pa e kambio aki; kambio di e magnitut aki, di konstitushon, mester surgi di e pueblo , no di gobierno, ta derecho di e pueblo a trapa flagrantemente aki..
Tur e akshonan aki tabata kontra I den violashon di e pueblo Boneriano su derechonan humano I di outodeterminashon… esaki ta kondusi na e prinsipio mas haltu di ley internashonal: Ex injuria jus non oritur – “ley no ta surgi for di inhustisia”… “ aktonan inhustu, illegal no ta krea ley”
Esakinan ta e rasonan prinsipal ku nos mester a buska un solushon pafor di nos isla, pafor di gobierno Hulandes, pafor di Reino, kaminda nos derechonan fundamental ta ankra internashonalmente. Esaki ta e motibu ku nos a renunsia tur kos, sakrifika tur kos, fokus I lucha ku tur bon intenshon pa buska ponementu di Boneiru bek riba lista di Teritorionan Sin Propio Gobernashon di Nashonan Uni komo solushon pa duna e pueblo Boneriano speransa … speransa pa rekupera nan derechonan ku nan a nase ku ne, nan yunan I generashonan ku ta bini …
Riba e lista, artikulo 73 di e Charter di Nashonan Uni lo wordu re-invoka I reaktiva I por I lo ta guia nos bida diario I nos futuro desaroyo I bienestar sosial, ekonomiko, politiko, kultural I edukashonal
Benefisionan di Boneiru riba e lista di protekshon:
Hulanda lo tin e responsabilidat I obligashon pa raporta tur anja na Asamblea General di Nashonan Uni tokante nos bienestar I desaroyo sosial, ekonomiko, politiko, edukashonal …
Riba base di kaso pa kaso I di akuerdo ku e relevante resolushonan di Nashonan Uni tokante dekolonisashon, e Komite Spesial di Nashonan Uni:
-Ta mantene e situashon politiko, ekonomiko I sosial di Boneiru bao di revishon -Ta provee informashon riba desaroyonan territorial -Ta fasilita prosesonan di dekolonisashon spesifiko pa e teritorio -Ta kondusi seminarionan annual regional kara-a-kara pa diskushonan ku e representantenan di gobierno I sosiedat sivil I tambe ku ekspertonan -Ta despacha mishonan di investigashon I konseho pa Boneiru
Institushonan di Nashonan Uni lo tin relashon I involvimento direkto ku Boneiru:
-DPA – The Department of Political Affairs, Decolonization Unit – Unidat di Dekolonisashon dje Departamento di Asuntunan Polítiko -DPI – The Department of Public Information – E Departamento di Informashon Públiko -ECLAC – The Economic Commission for Latin America and the Caribbean – Komishon Ekonómiko pa Amérika Latina i Karibe (CEPAL) -UNICEF – United Nations Children’s Fund – Fondo di Nashonnan Uní pa Mucha (UNICEF) – OHRLLS – The Office of the High Representative for Small Islands Developing States(SIDS) – E Ofisina dje Representante Haltu (OHRLLS) pa e Estadonan Insular Chikitu den Desaroyo (SIDS) -UNDP – United Nations Development Programme – Programa di Nashonnan Uní pa Desaroyo -UNEP – United Nations Environmental Programme – Programa di Nashonnan Uní pa Medio Ambiente -UNFPA United Nations Population Fund (UNFPA) – Fondo di Poblashon Nashonnan Uni -UNESCO – United Nations Educational, Scientific and Cultural Organization – Organisashon di Nashonnan Uní pa Edukashon, Siensia i Kultura -FAO – Food and Agriculture Organization of the United Nations – Organisashon de las Nashonnan Uní pa Agrikultura i Alimentashon -WHO – World Health Organization – Organisashon Mundial di Salú -ILO – International Labor Organization – Organisashon Internashonal di Trabou
Na honor na nos antepasadonan mi ta hura I priminti di hasi re-listing di Boneiru un realidat pa nos futuro generashonan!
Danki