Secretario di estado Van Huffelen ta bay e Foro di LGO na Bruselas

Secretario di estado Alexandra van Huffelen di Relacion di Reino y Digitalisacion, ta participa riba diahuebs 29 di februari na e encuentro di nivel halto di e Foro di Pais- y Teritorionan Ultramar (Landen en Gebieden overzee, LGO) na Bruselas.

Ta tene e Foro di LGO anualmente y e ta tuma luga e aña aki di 26 te cu 29 di februari. Participantenan ta pais- y teritorionan ultramar (LGO) cu ta afilia cu un di e estadonan miembro di Union Europeo, representantenan di estadonan miembro di estadonan miembro di Union Europeo y miembronan di parlamento Europeo. E seis islanan den e area Caribense di Reino tur tin e status di LGO. P’esey nan ta presente na Bruselas cu nan propio delegacion, igual cu e embahador special di Union Europeo pa Boneiro, Saba y Sint Eustatius. Banda di Hulanda, e estadonan miembro di Francia y Dinamarca tambe ta presente cu nan LGO. Tin en total 13 (isla)pais cu tin status di LGO.

Meta di e Foro ta pa trece tur pais y area envolvi hunto. Central ta para e importancia di mas colaboracion entre e areanan ultramar i Union Europeo. Ta trata di promove iniciativanan cu ta beneficia tur socio. E iniciativanan mester contribui na desaroyo duradero di particularmente e estadonan insular chikito.

Secretario di estado Van Huffelen ta tene un discurso durante e encuentro di nivel halto. Aki den e lo papia tocante e importancia strategico di LGO pa Union Europeo, importancia di colaboracion y haci cu e fondonan di Union Europeo ta mas miho accesibel pa e islanan Caribense. E lo pidi atencion pa topiconan cu ta importante pa e parti Caribense di Reino. Manera siguridad di alimentacion, coneccion via awa, aire y digital, pero tambe cambio di clima y transicion di energia.