Aruba Bank: Trahando riba un futuro di inclusion despues di un exitoso patrocinio di e conferencia di Hende Muhe

Oranjestad – 08 di maart 2024 – Aruba Bank ta orguyoso di por a patrocina e conferencia di Hende Muhe cu a tuma lugar recien, demostrando nos compromiso na diversidad y inclusion di hende muhe.

E evento no tabata solamente un celebracion, sino un fundeshi pa un empoderamento tangibel y di liderazgo.

Mientras nos ta refleha riba e perspectivanan comparti, e mensahe inspirador di Sra. Nataly Simmons, Chief Strategy & Transformation Officer, y e panel di pensamento profundo cu Sra. Gina Habibe, Relationship Business Strategist, ta keda confirma cu Aruba Bank no ta solamente un instituto financiero – nos ta un fundeshi solido den comunidad, comprometi na traha un futuro inclusivo unda cada soño tin e sosten pa bira realidad.