𝗖𝗮𝘀 𝗱𝗶 𝗖𝘂𝗹𝘁𝘂𝗿𝗮 𝘁𝗮 𝗰𝗲𝗹𝗲𝗯𝗿𝗮 𝗗𝗶𝗮 𝗱𝗶 𝗛𝗶𝗺𝗻𝗼 𝘆 𝗕𝗮𝗻𝗱𝗲𝗿𝗮

Cas di Cultura lo celebra dia di Himno y Bandera cu un programa di actividad amplio pa henter
famia. Desde 10’or di mainta te cu 3’or di atardi, mucha y adulto lo por entretene nan mes den
esfera di nos dia nacional.

Programa di actividad
E team dinamico di Cas di Cultura a prepara diferente actividad manera Face Painting, Arts &
Crafts, un Photo Booth, Dino Jump y mucho mas pa entretene e muchanan presente. Tambe,
lo tin un mercado di artesania local.

Festival di sopi
Cas di Cultura ta conoci pa su dushi surtido di sopi riba dia di Himno y Bandera. E aña aki e
menu sigur lo conta cu sopi di oester, sop’i pampuna, sop’i carni, erwtensoep y mosterdsoep.
Tur aña e benta di sopi ta hopi gusta y e ta un forma pa recauda fondo pa Cas di Cultura, cual
ta wordo haci posibel cu e ayudo di diferente patrocinado generoso.

Pa 12:30 di merdia, Jaderick Croes hunto cu su amigonan musical lo presenta e concierto pa
mucha “Amigonan di Cunucu”, unda muchanan lo por disfruta di musica y instrumento “live”.
E chikitinnan lo descubri e mundo di maraviya y e diferente bestianan cu ta biba den cunucu,

Entrada pa e celebracion di dia di Himno y Bandera na Cas di Cultura ta gratis. Pa cada
actividad por cumpra tokens pa participa. Riba e pagina di Facebook di Cas di Cultura por
haya mas informacion tocante e evento y e programacion completo di Cas di Cultura.