Aruba Bank a participa den Aruba Doet 2024 hunto cu Grupo Curason Jong Paradera
Oranjestad- 15 maart 2024- Aruba Bank a colabora cu Grupo Curason Jong Paradera, un organisacion local dedica na reparti alegria y compania entre e adulto mayor. E aña aki, Grupo Curason Jong Paradera a extende un invitacion na tur boluntario pa uni nan grupo di baile pa bishita dos cas di cuido pa adulto mayor. Boluntarionan tabatin e oportunidad pa tene conversacionnan elevante, stimula e adulto mayornan pa baila, y di e manera aki sigura cu nan tabatin un dia memorabel y agradabel.
E prome stop tabata na Cas di Cuido Thuiszorg na Jaburibari, caminda tin 40 residente. Despues di
esaki, boluntarionan a bishita Cas di Cuido Marizul na Papaya, caminda tin 30 residente. Grupo Curason
Jong Paradera a prepara un grupo di balaidornan talentoso cu a presenta pa e adulto mayornan, durante cu boluntarionan tabata encarga pa stimula nan pa participa den e diberticion y pone move e curpa poco!
Aruba Bank ta comprometi na cumpli cu su responsabilidad coporativo social y pa aporta na trabou comunitario di diferente manera durante henter e aña.
Un gradicimento na e empleadonan cu a forma parti di Aruba Doet 2024 y na tur boluntario cu a participa
