Minister Plenipotenciario a invita amigonan di Aruba y Corsou pa celebra e Dia di Himno y Bandera na Washington DC

Durante un encuentro ameno dialuna anochi, a celebra e Dia Nacional di Himno y Bandera den un grupo chikito na Washington DC.

Recien instala den su posicion, Minister Plenipotenciario no kier a laga e dia special aki pasa sin cu a haci algo pa celebra nos simbolonan nacional. Den e cuadro aki a organisa un encuentro pa bin hunto y conecta Arubianonan y amigonan di Aruba pa celebra en especial loke nos tin den comun: nos historia, nos balornan, e nostalgia pa nos isla. E encuentro aki tambe por ta un inicio pa asina forma un red di profesionalnan bibando na Merca.

Un encuentro asina semper ta trece oportunidad pa conoce hende nobo, pa tene combersacionnan interesante y pa mira con por aporta na bienestar di nos isla. Minister Plenopotenciario kier ta un facilitador den esaki.