Dia Mundial di Riñon 2022

Ban elimina e falta di conocemento pa un miho cuido y atencion di salud renal.
E mensahe principal di Organisacion Mundial di Riñon ta pa optimalisa e cuido di pashentnan cu
enfermedad renal. Na Aruba nos kier focus riba e populacion cu ta inclina pa haña enfermedad renal y
yudanan pa preveni esaki mas tanto posibel.
Di e forma aki malesa di riñon por wordo detecta y trata mas lihe posibel y asina evita complicacionnan.
Presion halto (hipertension) y Sucu (diabetes)
Esaki ta dos di e risico factornan mas comun pa haya enfermedadnan cardiovascular y renal.
Un presion controla ta mas miho pa bo salud. Un estilo di bida saludabel tin influencia riba bo presion y
sucu.
Social:
Ora bo wordo diagnostica cu enfermedad renal tur cos ta cambia. Esaki por tin un efecto riba e tereno
social, financiero y familiar.
Si bo ta un hende cu ta traha lo bo mester adapta esaki rond di bo tratamento. Lo mester adapta
orarionan di trabou pa cumpli cu bo tratamento of porta lo bo keda pa tempo mas largo AO cu tin su
consecuencianan cu ne. Door di esaki por tin efectonan financiero tambe.
Tambe lo bo tin cu tene cuenta cu ora bo kier sali y haci bo cosnan cu abo ta custuma cu ne. Por
ehempel: bishita famia, amistad of otro luganan. Si bo tin custumber di bay vakantie, bo tin cu tene
cuenta cu diferente procesonan pa aplica pa tratamento nan den exterior.
Pesey nos ta promove pa cuida bo riñonan. Cu riñonan saludabel bo por biba un bida activo y preveni e
problemanan social cu por bin cu enfermedad renal.
Kiko bo por haci pa bo riñonan?
1. Keda fit y activo
2. Controla bo nivel di sucu regularmente
3. Monitor bo presion
4. Come saludabel y mantene un peso saludabel
5. Bebe 8 glas di awa
6. No Huma
7. No uza remedi cu regularidad cu bo ta cumpra na botica sin recept
8. Laga controla funcion di bo riñon