Minister Xiomara Maduro a bishita Colegio Pastor Kranwinkel y Colegio Conrado Coronel

Bishitanan Escolar tabata exitoso

Den luna di maart a celebra Dia di nos Himno y Bandera. En conexion cu esaki, Minister di Cultura a bishita cu na Colegio Pastor Kranwinkel y Colegio Conrado Coronel.

Na Colegio Pastor Kranwinkel, e mandatario a wordo ricibi pa henter e scol, caminda cu hunto cu e muchanan a hisa bandera y canta nos himno y e himno di nan scol. Despues di esaki, Minister Maduro a haya e oportunidad pa papia cu e muchanan tocante locual ta hacinan orguyoso di nos Pais.

Despues a sigui pa Colegio Conrado Coronel unda cu Minister a tene un charla cu e muchanan di klas 4 riba Dia di nos Himno y Bandera y locual ta hacinan orguyoso di Aruba.

Minister Maduro ta gradici cabesante, docentenan, staff, personal y e alumnonan di Colegio Pastor Kranwinkel y Colegio Conrado Coronel pa e bunita recepcion y ta gradicinan pa e mainta comparti, cual a prepara nos muchanan pa celebra nos dia nacional.