Parlamentario Alvin Molina (MEP): Mester sigui inverti den diferente aspecto pa trece movecion bek na San Nicolas.
Pa trece desaroyo pariba di brug y movecion di hende ta necesario pa inverti den diferente aspecto. E proyectonan grandi (macro) manera un hotel, un industria riba tereno di refineria y agricultura como un pilar economico nobo lo genera mas entrada pa caha di pueblo y crea un โspin offโ pa varios negoshi. E proyectonan meso por ehempel, un cancha deportivo, embeyecemento, cultura, siguridad den trafico y mantencion ta haci e infrastructura mas atractivo y accesibel. Mas miho e proyectonan macro y meso ta organisa, mas oportunidad tin pa actividadnan (economico) micro ta exitoso, entre otro, e negoshinan chikito y actividadnan social, cultural y deportivo den bario.
Pa logra un bon balans entre e posibel desaroyonan ta necesario pa profesionalnan guia e proceso basa riba e deseo di pueblo. Pโesey na april 2022, mi a entrega un mocion pa gobierno contrata un โeconomic developer/city planner/nation builder/community designerโ pa yuda cu e desaroyo pariba di brug for di Pos Chiquito te cu Seroe Colorado.
Un bon ehempel di un proyecto cu lo yuda haci centro di San Nicolas mas atractivo tโe proyecto di nos Minister di Economia Geoffrey Wever. Hunto cu su coleganan e minister lo ehecuta un plan pa embeyece e area di Arubus na San Nicolas y crea diferente actividad cu ful famia por gosa di dje, manera deporte, speeltuin y โfarmers marketโ. Mi ta spera tambe cu e plan aki lo yuda pโe exito di Promenade contagia e parti mas pariba di mainstreet. Minister Wever a duna oido na mi peticion door di colabora cu e arkitecto local Raffy Kock cu ta un โcity plannerโ gradua na Universidad di Delft. Danki na nos Minister di Economia pa yuda cu e desaroyo di centro di San Nicolas y pa duna oido na mi mocion.