Praktijkondersteuner Huisartsenzorg

P.O.H. manera ta conoci pa e ultimo anjanan caba ta para pa “PraktijkOndersteuner Huisartsenzorg”. P.O.H. ta e dunado di cuido cu ta traha conhuntamente cu e dokter di cas dunando sosten pa locual ta control di pashentnan cu enfermedad cronico. Entre otro problema di sucu (diabetis) y problemanan cardiovascular.

Manera Pueblo di Aruba sa, un P.O.H. ta traha bou di e responsabilidad di e dokter di cas.

E meta y objetivo principal di un P.O.H. ta

·         personalisa cuido y dedica mas tempo na cada pashent brindando mihor servicio.

·         Mehora control riba enfermedadnan cronico

·         Educa pashent con pa tin control di su enfermedad door di biba un bida mas saludabel

·         Preveni complicacionan manera stroke, pia diabetico y daño na rinon.

Nos meta ta pa duna cuido optimal pa asina mehora calidad di bida.POH ta tene nan nivel hopi halto door di participa y asisti na diferente congreso, symposium y bijscholing cu ta wordo duna. E POH-nan tin un bon relacion di trabou cu e compania SERVIER cu ta duna diferente charla y educacion riba e parti medicina y e tereno medico basa den nos ramo cu ta e parti diabetes y problemanan cardiovascular. Durante e ultimo 4 añanan Servier tabata tin hopi contacto y a duna diferente charla / nascholing na e P.O.H.-nan y a realisa e importancia y e rol di un P.O.H. den e practica di un dokter di cas. E gran ayudo y support cu e P.O.H.-nan ta pa cu e dokter di cas pero tambe e dedicacion y pasenshi di nan trabow serca e pashentnan. Ta di aprecia y elogianan pa nan bunita trabow.

Pesey e aña aki atrobe SERVIER  ta invita 4 POH pa asisti na nan congreso internacional cu ta hiba e nomber SERVIER University “Evento Cientifico” cu ta un congreso di 2 dia largo cu un programa educativo cu diferente orador (sprekers) international y tambe lo tin diferente  workshopnan cu specialistanan local. Servier ta apoya y sostene esaki completamente. E congreso lo tuma lugar 11 y 12 di Maart 2022 venidero na Panama. E temanan lo ta entre otro Diabetes y problemanan cardiovascular. E gran oportunidad aki tambe ta engrandece e desaroyo di nos POH-nan. No por keda sin menciona cu e congreso aki tin acreditacion y ta afilia na Servier University. Na regreso bek e P.O.H.-nan cu a asisti na e evento aki lo trese nan experencia y tur loke nan a sinja na e resto di e grupo. Asina tur P.O.H. ta keda na altura di e ultimo desaroyonan.

Alaves e P.O.H.-nan conhuntamente cu Wit Gele Kruis kier a jama Servier danki pa e invitacion y e oportunidad brinda.