Wendrick Cicilia: Gobierno actual ta perverti husticia
E ta peligroso pa mira con Minister di Husticia via su ministerio ta activamente instrui of duna instruccion nโe institutonan encarga pa conduci investigacion penal pa fiha prioridad y duna nan instruccion. Esaki nos por deriva di un proces-verbal den un caso penal contra e hoben medio ambientalista Nigel Maduro. E metemento di un Minister di Husticia hunto cu su coordinadornan den e proceso y sistema penal-hudicial ta hopi peligroso. Mas aun cu for di e palabra y tono por percibi cu ta pa motibonan politico e instruccion pa respectivamente persigui eroneamente ruman di un ex-parlamentario di AVP cu pa colmo no tabatin โarte ni parteโ den henter e proceso! E conducta di e Minister di Husticia y su coordinadornan ta mancha e proceso penal-hudicial y ta mina e discrecion di e profesionalnan pa determina nan priopio investigacion y โvervolgingsagendaโ. E ta un hilaridad cu parlamentario Alvin Molina cu ta bin for di seno policial ta aplaudi e โmodus operandiโ aki mientras Minister-presidente Evelyn Wever-Croes, Minister di Integridad Ursell Arends ta hinca man nan candela pโe titular di e cartera di husticia den coalicion di MEP-RAIZ.
Refleho di persecuccion politico
E conducta di e Ministerio di Husticia ta discurasha confiansa publico den e obhetividad, imparcialidad y profesionalismo di e sistema hudicial. E ta netamente daรฑa e proceso di administra nos husticia. Asina Gabinete Wever-Croes II ta perverti husticia. Minister di Husticia, tampoco su coordinadornan tin como tarea pa envolvi nan mes den e sistema penal-hudicial, e tarea di minister ta pa crea e condicionnan y maneho pโe sistema penal hudicial por funciona mas optimal. Purba influencia e sistema pa investiga cuidadano cu ta expresa un menashe cu kisas ta contra e pensamento di Gobierno di Aruba, no tโe tarea di ningun gobernante. E no ta un secreto cu Minister Rocco Tjon tin varios polis na su disposicion den su ministerio ademas di conoce tur โin and outsโ di e Cuerpo Policial uzando nan influencia pa troce husticia y silencia un movemento cu a laga nan cara na berguensa. E curashi cu Minister Rocco Tjon tin pa nenga cualkier mal hecho den henter e proceso aki ta muestra di e incompetencia pa por maneha nos cuerpo policial unda varios biaha hasta su mesun ex-coleganan polis a subi caya vocifera ribโe maneho decayente.
No tin luga pa hunga politica
Aruba conoce un sistema penal-hudicial cu ta basa ariba e principio nan di โRule of Lawโ pues administracion di husticia mester ta basa riba ley, sin perhuicio y sin presion politico. Nos sistema penal-hudicial ta enfoca riba investigacion policial-penal, inventarisa hecho y prueba. Persecucion penal ta parti importante di e respectivo autoridadnan. E sistema penal-hudicial ta percura pa esnan cu ta efectua actonan penal y castigabel haya nan sentencia. E proceso mester ta un proceso obhetivo, limpi y imparcial. E hurista Mericano Hans Von Spakovsky lo bisa: โPolitics has no place whatsoever in the criminal-justice systemโ.
Maneho di husticia ta fundamental pa trankilidad den nos comunidad, si no tin trankilidad y siguridad den nos comunidad avance economico, comercial y social ta imposibel. E maneho di husticia mester duna e actornan di husticia manera Cuerpo Policial e confiansa y trankilidad. Un Minister di Husticia cu ta activamente mete den e proceso penal-hudicial pa motibo nan politico ta un peliger pa nos derecho di estado y no ta inspira trankilidad y seguridad. Minister Rocco Tjon bo ta fout bezig!
LL. B. Wendrick Cicilia ta un hoben hurista y candidato di Partido di Pueblo Arubano (AVP). Su pasion pa yuda su prohimo a hibโe na ta un di e fundadornan di Tienda di Ley na 2018. E la gradua na 2019 for di e Facultad di Derecho di Universidad di Aruba. Na 2021 a tuma e curashi y determinacion pa subi e lista berde. Durante e ultimo eleccion Wendrick Cicilia a logra convence 482 ciudadano cu nan voto, profilando su mes den e top 10 cu mas voto di tur e 29 candidato ribโe lista di AVP. Subi www.WendrickCicilia.com pa mas informacion.