Inflashon mas abou na Boneiru, mas haltu na Sint Eustatius i Saba

Den e promé kuartal di 2024, produkto- i servisionan di konsumo na Boneiru tabata 3,5 % mas karu ku e aña anterior. Den e di kuater kuartal di 2023 inflashon ainda tabata 4,1 porshento. CBS ta indiká esaki a base di e índise di prèis pa konsumidó na Hulanda Karibense.
Na Sint Eustatius, e prèisnan a subi ku 0,3 porshento riba base di aña den e promé kuartal di 2024, miéntras ku den e di kuater kuartal di 2023 prèisnan a baha ku 1,0 porshento. Na Saba, e inflashon tabata 2,0 porshento den e promé kuartal di 2024. Den e di kuater kuartal di 2023 inflashon ainda tabata 1,2 porshento.

Prèisnan na Boneiru a oumentá ku 0,3 porshento kompará ku e último kuartal
Prèisnan na Boneiru a oumentá ku 0,3 porshento kompará ku e último kuartal. E oumento aki ta parsialmente kousá pa gastunan mas haltu pa bibienda, awa i energia. E kostonan di elektrisidat a subi ku 1,4 porshento komo resultado di un subida di e tarifa variabel di energia for di 1 di yanüari. Ademas, e prèisnan den hóreka a subi ku 5,7 porshento kompará ku e kuartal anterior.

A logra kontrolá inflashon dor ku kostonan di komunikashon ta mas abou, spesífikamente un bahada di 14,1 porshento kompará ku e kuartal anterior. E bahada ta kousá pa un supsidio adishonal riba suskripshonnan di Internet ku a drenta na vigor dia 1 di yanüari. Ademas, e kostonan di transportashon tabata mas abou; prèis di gasolin a baha ku 5,2 porshento den e promé kuartal kompará ku e kuartal anterior.

Prèisnan na Sint Eustatius ta 1,6 porshento mas abou kompará ku kuartal anterior
Prèisnan pa konsumidó na Sint Eustatius a subi den e di promé kuartal di 2024 ku 1,7 porshento kompará ku e di kuater kuartal di 2023. Gastunan di transportashon a subi kuartal pasá kompará ku e kuartal anterior. Prèisnan di pasashi di avion a subi ku 14,6 porshento, miéntras ku gasolin a bira 3,1 porshento mas karu. Tambe outonan a bira 4,7 porshento mas karu kompará ku e kuartal anterior. Elektrisidat a bira 5,9 porshento mas karu e kuartal aki kompará ku e di kuater kuartal di 2024. Meskos ku na Bonaire, aki tambe e tarifa variabel di elektrisidat a subi for di 1 di yanüari.

E prèis pa paña i sapatu, di otro banda, a baha ku 3,4 porshento kompará ku e kuartal anterior, loke tin un efekto di bahada riba e desaroyo total di prèis di produktonan di konsumo. Tambe gastunan di komunikashon a baha ku 9,4 porshento e kuartal aki. Meskos ku na Boneiru, aki tambe e supsidio èkstra riba supskripshonan di Internet a drenta na vigor dia 1 di yanüari.

Prèisnan na Saba a oumenta ku 0,7 porshento kompará ku e último kuartal
Na Saba, prèisnan a subi ku 0,7 porshento den e promé kuartal di 2024 kompará ku e kuartal anterior. Gastunan mara na komunikashon a bira 10,4 porshento mas karu e kuartal aki. Den e di kuater kuartal, gastunan di komunikashon tabata mas abou debí na un supsidio úniko ku Konseho Insular a otorgá na novèmber 2023. For di 1 di yanüari 2024 tin un supsidio èkstra a drenta na vigor, meskos ku na Boneiru i Sint Eustatius, ku a logra frená e subida despues di e deskuento na novèmber. Ademas, e kostonan di elektrisidat a subi ku 3,5 porshento kompará ku e kuartal anterior debí na un subida di e tarifa variabel di energia for di 1 di yanüari.

A logra kontrolá e oumento e kuartal aki dor di un bahada di 3,2 porshento den e prèisnan di paña i sapatu kompará ku e kuartal anterior.