Carolyne Kock cu cancion nobo: Ya bo no ta Pan y Biña
Carolyne Kock a lansa su cancion nobo cual ta un cover di e cancion di Jorge Luis Bohorquez “Una cancion para la comunion”. Un idea cu a nace aña pasa pa Carolyne canta un cantica dedica na Hesus mirando cu e aña aki Carolyne ta hasi su prome santa comunion. E cantica aki tabata pas precies pa su prome santa comunion y pa e motibo aki a laga traha un cover di dje na Papiamento special pa e comunidad di islanan ABC. E adaptacion di e letranan a wordo haci pa Ruth Gaarie y Robert Kock, e recording y mastering tabata den man di Diego Henriquez di DH Music Factory y Carolyne su coach di canto tabata Ruth Gaarie. E video clip a wordo graba na Parokia Sagrado Curason di Hesus na Savaneta. Un danki special na Pastor Andres di Parokia di Savaneta pa e oportunidad aki. Carolyne su vestuario pa e video clip tabata den man di Merida Quant. Su Hair & make up tabata den man di Caithlyne Kock. E video clip a wordo graba y edita pa Robert Kock, y tabata bow direccion di Chastity Kock-Hodge y Robert Kock. E video clip por wordo aprecia riba e link aki: https://www.youtube.com/watch?v=cvE8qHBd_GM .
Esaki ta riba e youtube channel di Pitbull Advertising and Entertainment.
Un cancion canta pa un stem angelical cu un bunita melodia di piano y violin, cu ta refleha ariba e bunita momento di e sacramento di eucaristia ricibiendo e comunion. Un cancion pa por toca henter aña y tambe special pa un ricibimento.
Disfruta di “Ya bo no ta pan y biña” canta na Papiamento pa Carolyne Kock, cual tambe ta obtenibel na tur radio emisora dus jama pidi bo locutor faborito pa e bunita cancion aki. Ban apoya nos muchanan cu ta jen di talento.
Un danki na Caithlyne Kock pa e bunita potretnan.
