Partido MEP: SECRETARIO GENERAL DI MEP TA ELABORA RIBA E CASO DI RECTIFICACION CU A LANTA CONTRA DOS PORTABOS DI 24 ORA PATICK PASKEL Y SPEED ANDRADE

ORANJESTAD: Secretario General di MEP a elabora riba e caso di rectificacion cu el a lanta contra e dos representantenan  portabos di 24 di Ora, esta  Patrick Paskel y Speed Andrade. Berdaderamente,  a manda un carta di rectificacion pa nan, comokiera cu nan keda biba den pasado y cierto momento a exresa cu Minister Endy Croes ta un convicto di husticia. E palabra convicto ta nifica cu un hende ta haya un sentencia (strafrechtelijk) y a bay cera of tin e sentencia y su casonan ta den proceso ainda, cual niun di esakinan ta e caso. Secretario General di Mep a splica claramente cu e no ta un convicto y nunca a yega mesa berde (strafrechtelijk) den e caso di Lotto. Si a bringa diferente caso civil entre otro, e rapport di Ernst de Jong cu a gana te den cassatie y ainda 14 aña despues tin un caso andando, paso e caso den cassatie a indica cu berdad e rapport di Ernst & Young ta completamente falso. Pues esey ta e ultimo caso cu ta andando.

Secretario General a splica cu convicto ta un Benny Sevinger cu a horta pueblo aki tereno, tur sorto di deal y cu hues a kita 2.5 miyon florin na Orka Bank di e cuenta di Sussebeek, kende ta amigo di Benny, pa motibo cu esey tabata placa di dealer di Benny. Pues Benny Sevinger di AVP, kende ta amigo di Mike Eman, esey ta un convicto. Pero e caso ey, Speed y Patrick no ta papia di dje.

Otro convicto pa mas dolor cu e ta haci, ta Paul Croes cual ta na KIA. El a cay cera paso e ta un convicto di e corupcion cu el a haci. Ken nan dos (2) tabata? Ambos ta ex-minister di AVP. Ken a brasa nan? Mike Eman. Pero e dos casonan aki tanto di Avestruz Y IBIS, no ta scucha Speed y Patrick papia di nan. Sinembargo, pa motibo di jaloezie y dolor, nan kier hunga luna aden luna afo cu un caso di mas di 10 aña pasa, cual nan no tin rason di dje. Fuera di esaki, Speed Andrade tambe ta un otro convicto di husticia. Speed a wordo haya culpabel y a hay 240 ora di trabao pa baña cacho na fundacion luna. Ta ora pa clarifica esaki, paso e partido di corupcion realmente ta Mike Eman y AVP, cual a percura pa Aruba financieramente ta unda e ta awendia. Fuera di esaki, tin casonan cu Mike a permiti entre otro, 300 miyon di “hedging”, tanto bagamunderia di tereno, caso di IBIS y asina tin un cantidad mas. Tin un ex-minister Richard Arends cu Ryçond Consultancy cu ta su compania cu a cobra banda 4 miyon florin, tin abogado Sjiem Fat cu ta manera Dios di Mike Eman cu a cobra 5 miyon florin, tin Dowers su casa Patricia cu a cobra 400 mil florin. Di e casonan aki no ta tende Speed y Patrick papia.

Como Secretario General di MEP a yega ora pa clarifica esaki y pa pueblo por sa ken nan ta paso Speed y Patrick tambe a cobra 8 miyon florin y ta reta nan manda un carta di rectificacion paso tin prueba con a cobra placa di belasting di e pueblo aki. Berdad cu e ministernan di AVP a firma pa nan cobr’e, pero nan a cobr’e si.

Na e hobennan cu kier subi e lista di AVP, paga bon tino riba ki lista bo ta desea di bay paso AVP ta un partido corupto y si bo scoge pa drenta e partido ey, bo ta drenta cu mal pia paso bo tambe na caminda ta bira un corupto.