VWS ta cera contract temporal cu Medicair pa Air ambulance entre Hulanda Caribense, Corsou y Aruba

E Ministerio di Salubridad, Bienestar y Deporte (VWS) a tuma nota di e problemanan y preocupacionnan cresciente pa e vuelonan di codigo cora (‘air ambulance’) den Hulanda Caribense. VWS, den consulta cu Fundashon Mariadal (FM), a tuma e siguiente medidanan.

Pa garantisa coneccion di ‘air ambulance’ entre e islanan di Hulanda Caribense, Corsou y Aruba, VWS a cera un contract cu Medicair (pa awor aki, 2 luna). Asina VWS ta asumi e responsabilidad contractual temporalmente pa e disponibilidad di un ‘air ambulance’ pa e aseguradonan di Hulanda Caribense den direccion di Corsou y Aruba, cu ta disponibel 24/7. FM lo pone personal medico disponibel pa e vuelonan di codigo cora cu Medicair. Mientrastanto e ‘Learjet’ di Medicair ta staciona na Boneiro. Sarpa lo sigui haci vuelo di ambulans pa Colombia.

Pa sali for di e impase actual, VWS a dicidi pa riba termino corto haci un investigacion di e problemanan cu a surgi y pa yega na un solucion duradero pa vuelo di ambulance entre Corsou, Aruba, Sint Maarten y Hulanda Caribense