Aruba Bank a forma parti di “Red Day” conhuntamente cu Keller Williams Aruba
Oranjestad – 13 di mei 2024 – Aruba Bank a contribui na e evento “Red Day” organisa pa Keller Williams Aruba. “Red Day”, a tuma lugar riba 10 di mei, 2024. Esaki ta un iniciativa global anual cu Keller Williams ta uni nan forsa pa duna bek na comunidad. E aña aki, e enfoke na Aruba tabata riba Cas di Mucha Imeldahof, kende a celebra nan 70 aniversario.
“Red Day” tin como meta pa crea un cambio sostenibel. Aruba Bank a contribui financieramente pa uni nan esfuersonan pa yuda renoba diferente espacionan y crea un “game room” pa e muchanan na Cas di Mucha Imeldahof. E iniciativa aki ta pa brinda un lugar unda e muchanan por hunga, disfruta liberamente.
Aruba Bank ta kere firmemente den e importancia di responsabilidad social pa haci un impacto positivo den nos comunidad. Tur contribucion cu Keller Williams a ricibi a yuda trece alegria pa e muchanan na Cas di Mucha Imeldahof.
