Secretario general di MEP: BENNY SEVINGER A KIBRA DEN LAGRIMA

Benny no por a splica hues dicon el a regala Sussebeek 28000 m2 di tereno.

Siman pasa, e caso Avestruz di ex minister di AVP Benny Sevinger alabes e pret’i wowo di Mike Eman a continua den Hoger Beroep. Manera ta conoci, den e caso di Eerste Aanleg un (1) solo hues a trata e caso e tempo ey y a reparti 11 aña di prison entre benny Sevinger y su amigonan Leoncita Arends y Sussebeek pa nombra algun. Awor e caso ta den Hoger Beroep unda cu tres (3) hues ta repasa e caso y lo duna nan veredicto den proximo lunanan. Pa cu esaki henter siman pasa, e convicto Benny Sevinger ex minister di AVP y varios testigo mester a presenta den corte. Huesnan tabata sumamente bon prepara y tabata changa Benny y a gara Benny ta gaña na varios ocasion.

Sussebeek amigo di Benny a haya 28.000m2 na tereno:

Durante e caso siman pasa den corte, e huesnan a hinca Benny den un skina sin salida. Benny a duna su miho amigo Sussebeek, kende alabes a traha den bureau cu Benny un total di 28.000m2 na tereno patrimonio di Pueblo di Aruba. Benny a haci esaki sin hustificacion. Pueblo votado ta bringa pa haya 400m2 pa traha un pida cas y ta warda 10 aña. Benny a fix su amigo 28.000m2 den un tempo record. Sigur por a yuda 70 ciudadano pa traha nan cas cu un pida tereno di 400M2, pero a opta pa yuda Sussebeek cu 28.000m2 na tereno pa e bende y gana placa. Mesun Sussebeek aki huesnan a haya 2.4 miyon florin riba un cuenta na ORCO Bank na Curaçao. Por a prueba cu e placa aki ta procedente di bentanan di tereno unda Sussebeek y Benny a enrikece nan mes. Den e prome caso hues a “verbeur” esta, encauta e placa aki y a kita e 2.4 miyon aki for di e cuenta di Sussebeek na Orca Bank. Tambe a prueba con Benny tabata ricibi placa di entre otro, Holiday Inn despues di a duna nan 600 kamber extra. Holiday Inn a paga mas di 8000 US Dollar pa fiesta di un yiu di Benny. DIP a testigua splicando cu nan a duna un conseho negativo pa e 600 kambernan extra aki como cu no tin ningun parkeerplaats den e bisindario. Apesar di esaki, Benny a dal bay y otorga 600 kamber extra y invita amigonan bin come y bebe pornada na fiesta di un yiu. Benny a regala 7000 kamber extra di hotel den su temporada como minister. Pues, esaki ta e berdadero cara di AVP. Benny na final a kibra den lagrima den corte. Den Parlamento di Aruba Benny ta grita cu e no ta “give a damn” y expresionnan baho manera “chupe” tabata expresion di Benny den parlamento. Sinembargo dilanti corte awor el a bira un Benny diferente. Poder ta mal cos y pio ainda ora bo no por deal cune y kere cu bo por para ariba ley y abusa di e poder. Wel puitonan ta saliendo na cantidad. Nos lo keda pendiente di e siman entrante momento e caso di corupcion di mas grandi di historia di e partido AVP di Mike Eman continua den corte. Dicon 24 ora ta “muisstil”? Speed cu Patrick tambe a haya di e potnan aki? Keda pendiente!