| Den cuadro di Aña di Conmemoracion di Historia di Sclavitud inincia pa e ministerio di OCW, Hulanda, varios iniciativanan a lanta den Caribe Hulandes pa educa comunidad tocante e tema di Sclavitud. Stichting Rancho cu ta para pa Conservacion di Historia y Cultura di e Bario di Rancho ta uni su mes den e movemiento aki y organisa actividadnan educativo pa comunidad di Aruba riba e tema di Sclavitud. Marshe Rancho lo ta e siguiente actividad cu lo brinda oportunidad di siña mas tocante Historia di Sclavitud na Aruba. Banda di e mercado local, e programa lo consisiti presentacion musical di Vicente Ras y Sodo y Cuero, banda local, exposicion di cuminda cu lasonan Africano, exposicion di obra di Arte y lectura informativo, bou di guia di Plataforma Nacional Herencia Sclavitud Aruba. Marshe Rancho tin como meta pa apoya productor y artistanan local pa expone nan creacion traha na Aruba den espacio publico. E ta brinda oportunidad pa colaboracion, entercambio di informacion na un publico diferso. Musica y lectura ta forma parti di e programa, pa asina mustra e diversidad grandi cu Herencia Africano a trece den nos region. Stichting Rancho ta encarga di e coordinacion y promocion cu capacitad limita y apoyo su boluntarionan. Pa e actividad aki ta buscando boluntario pa yuda cu e coordinacion y promocion di e actividad pa mas informacion primi riba e link abou. Ta invita un y tur pa asisti y conoce mas di Aruba su Cultura y Herencia. Pa mas informacion por tuma contacto cu presidente di Fundacion Rancho, Clifford Rosa na +297 563 9388. |
