Ride for the Fighters: E weekend aki KWF Aruba colectando un bes mas riba caya

Diasabra dia 25 di mei entre 9or di mainta y 12or di merdia un bes mas boluntarionan lo ta riba caya na diferente localidad tur rond di nos isla p’asina recauda fondo pa Koningin Wilhelmina Fonds Aruba. E fundacion tin mas cu 60 aña trahando duro pa conscientisa y informa e comunidad di Aruba riba con pa hiba un bida saludabel y tambe con pa biba cu cancer.E biaha aki lo tin tambe un ‘Ride for the Fighters’ unda cu diferente grupo di bikers a uni pa e causa. Lo sali cu tur bikers for di Joe Laveist compaña pa polis y VMU pa 9.30am. Cada post lo tin bikers ta colectando te cu 11.30am. Pa 11.30am polis conhuntamente cu VMU lo pasa cada post busca e bikernan y na final lo tin tur bikers den un ride grandi cu lo termina na e parking lot dilanti Island Finance den John G Emanstraat. Aki tur boluntario lo ricibi un sandwich y un bebida y asina clausura e mainta amenamente.

Gruponan cu a registra pa colabora:

1. Grupo 7

2. MCM

3. Easy Riders Aruba

Old Skool

5. Sero Biento Boys

6. Camacuri7. Gonz

8. HOG

9. Spike Rebels

E postnan ta:

1. Rotonde FTA – GONZ & HOG

2. Rotonde Pos Chikito – Grupo 7

3. Rotonde Sta Cruz – MCM

4. Rotonde Bright Bakery – SB Boys

5. Imelda Kleuterschool – Camacuri

6. Renaissance – OLD Skool

7. Rotonde Sta Helena – Spike Rebels

8. Rotonde Tanki Flip – Easy Rider

Nos ta conta riba sosten di e pueblo di Aruba. Dios bendiciona boso tur. Si ainda bo kier join e colecta di KWF Aruba por yama 597-7227 of 593-5770.