Aruba Bank Walk & Run Grandi un biaha mas!
E evento di 4 dia a termina exitosamente
Dialuna, 27 mei, 2024— Dialuna, 20 di mei a cuminsa e di 18 edicion di Aruba Bank Walk & Run, e evento di 4 dia mas grandi den si categoria ariba nos. E evento di e aña aki a kibra su propio record di participacion durante tur e 4 dianan den e diferente districto riba nos isla.
Un gran cantidad di persona di tur edad a yega Paradera Drive Thru Center ariba e prome dia di careda y a disfruta di dushi ambiente y entretenimiento di DJ 101 y MC Glennon, e participante a topa cu otro y cana 5.5km hunto. E evento a sigui dia 21 di mei na Joe Laveist, San Nicolas unda cu por a mira un multitud di persona para banda di caminda ta apoya e participantenan. E tercer dia a tuma lugar na Plaza Deto Varis na Santa Cruz, un ruta cu tawata un reto pero sigur ta duna e participante un satisfacion grandi na ora di termina. E evento ariba e di 4 dia a culmina na Aruba Bank su sucursal di Camacuri. E participantenan cu a logra cana 4 dia a acumula mas di 20 kilometer durante e 4 dianan, y pa e logro grandi aki a ricibi cada un nan “Finisher’s Coin” un gesto conmemorativo y tambe simbulo di nan logro.
Un evento yen di ambiente y energia positivo ta loke a experiencia ariba tur cuatro dia. E ultimo dia a clausura e evento cu broche di oro cu cu presentacion di Tsunami y premiacion di atletanan cu a destaca. Aruba Bank y Subway a felicita tur ganador y a gradici tur presente pa nan participacion y haci di Aruba Bank Walk & Run uno exitoso. Tambe ta gradici IBiSA pa nan sosten prome y durante e evento, Cuerpo Policial pa e guia, Rode Kruis, Volunteer Motor Unit, Patrishi Sports y boluntarionan pa yuda haci e evento aki un otro exito.
Ganadornan a clasifica por medio di conteo di e tempo total di tur dia pa asina saca e miho. Despues di e dia final, Aruba Bank y Subway a haci entrega di premionan na e participantenan cu tabatin e miho tempo di tur 4 dia. E resultado di e Aruba Bank Walk & Run 2024 ta como lo siguiente:
