Siman di conscientisacion di salo lo enfoca riba e consumo di salo y su efecto
ORANJESTAD โ Den conexion cu siman di conscientisacion di salo Minister di Salud Publico Sr. Dangui Oduber kier a enfoca riba e e consumo di salo y ki efecto esaki tin riba bo salud. E siman di conscientisacion di salo ta di 14 te cu 20 di maart y ta bou encargo di Departamento di Salud Publico y IBISA. E meta ta pa pone enfoke riba e importancia di pone un control saludabel den e consumo di salo pa preveni problemanan cu nos salud fisico. E tema di e siman aki ta โSacudi e habito di Saloโ.
Minister Oduber su maneho pa cu Salud Publico ta basa riba prevencion (โnational multi-sectoral action plan for NCDโs 2020-2030โ) cu ta reconoci pa WHO y PAHO. Pa un bida saludabel nos kier enfoca riba preveni e consumo halto di salo den nos dia diario. E consumo halto tur dia por causa diferente problema pa nos salud y ta pone nos na riesgo di:
โข Presion halto
โข Ataca di curason
โข Enfermedad na nos riรฑon
โข Y otro enfermedad nan cardiovascular
E salud di nos comunidad ta hopi importante, pa es motibo Ministerio di Salud Publico ta zorg pa e comunidad di Aruba haya hermentnan necesario pa desaroya y implementa cambio den nos habito pa cu consumo di salo.
Minister Dangui Oduber ta pidi comunidad pa ta mas consciente di kiko bo ta cumpra y consumi. Paga tino na cuanto salo e producto ta contene door di lesa e lista di contenido di e producto, di e manera aki bo por controla bo consumo di salo diario. Purba cushina cu menos salo posibel y/of uza otro tipo di producto mas saludabel pa cushina cu ta contene poco of nada di salo.
E campaรฑa di conscientisacion a cuminsa e siman aki y esaki ta e comienso di hopi mas campaรฑa cu Departamento di Salud Publico lo bai traha conhunto cu IBISA y otro organisacionnan durante e aรฑa aki. Tur colaboracion ta pa duna e comunidad di Aruba mas informacion y instruccion di con pa trece cambio saludabel den nan habito y tambe pa tin un mihor calidad di bida pa full famia.
Minister Dangui Oduber su vision ta pa promove un miho cuido medico pero tambe un miho calidad di bida pa e poblacion di Aruba. Prevencion ta e yabi pa baha gastonan di AZV y tin un cuido medico mas sostenibel.
