Iluniza Croes ta empleado superior di Aruba Bank

Oranjestad – 30 di mei 2024 – Iluniza Croes ta empleado superior di Aruba Bank pa luna di april 2024. Un empleado cu a demostra dedicacion y iniciativa sobresaliente, logrando asina e reconocimento aki.

E compromiso di Iluniza pa semper pa “think outside the box” pa provee solucion pa e clientenan di Aruba Bank vu ta refleha e balornan di e banco. Su accionnan ta impacta e clientenan positivamente y ta pone un standard halto pa e excelencia di servicio na cliente.

Den su tempo liber, Iluniza ta gusta haci diferente obra di man. Pa Iluniza esaki ta un actividad cu ta dune satisfacion ora e wak e resultado, y cu ta haci su mes y coleganan contento ora nan wak e producto final.

Pabien Iluniza pa ta un empleado ehemplar cu ta forma parti di Aruba Bank.