Leonardo Figaroa (PDP):Parlamentarionan biahando businessclass y cobrando dagvergoeding sinpresenta 1 idea pa hobennan studianteden Exterior y na Aruba

Segun e ordenansa cu ta regla e salario di un parlamentario e tin e derecho pa por
biaha business class y recibi tambe un dagvergoeding pa e gastonan di su biahe den
exterior. Bunita pa wak cuanto palamentario ta saca e potretnan di mas bunita riba
medianan social di Hulanda, ta yena nan boca cu e importancia di hobennan studiante
pero ora nan bin bek ta haci NADA riba e tema.
Mi a perde conteo di cuanto reunion di IPKO esaki ta y mi pregunta ta kico ta e balor
agrega di e IPKO pa e parlamento di Aruba. Na final di dia e ta costando pueblo di
Aruba hopi fondo sin cu ami por mira resultado concreto riba e temanan importante.
Salud mental y viviendo pa hobennan studiante na Hulanda
Un di e retonan real ta keda e seguro medico cu no ta haci accessibel pa studiantenan
por recibi sosten riba e tereno di salud mental. Pa nos partido ta importante pa por
institui un seguro medico cu ta brinda un miho cobertura pa studiantenan den exterior.
Segundamente, un idea ambicioso pero no imposibel, ta pa por crea nos propio flat
gebouwen den e cuidadnan cu mas studiante ta bay pa asina por construi esakinan.
Ademas un solucion temporario ta pa por brinda un tipo di subsidio adicional ta
studiantenan cu por cubri e prijs di huur, mirando e dificultad cu studiantenan ta pasa
aden pa por yega na un apartament.
Ademas e realidad ta keda e fenomeno di brain drain, hopi studiante no ta regresa
Aruba bek mirando e salario ta mas halto na Europa cu aki.
Nos solucionnan…
Pa tu e motibonan menciona nos ta propone:

• Aumento di e porcentahe di kwijtschelding te na 55% di Arubalening
• Introduccion di un periode di gracia (grace period) di 5 aña cu studiantenan lo no
  mester paga Loonbelasting y Impuesto di entreda (Inkomstenbelasting)
  Studiantenan den exterior ta wordo inclui den nos plan ambicioso di e pakete di
  sobrevivencia pa recibi un compensacion den forma di sosten financiero pa e gastonan
  halto di bida cu studiantenan ta enfrentando si nan regresa Aruba y contribui na e ‘brain
  gain policy’ di gobierno.
  E ta importante pa politiconan no djis bisa locual nan ta bay haci pero mas importante
  haci tambe locual nan ta bay bisa. Nos lo tin un sistema educacional mas miho ekipa pa
  sostene e lidernan di awe den desaroyo.