Leonardo Figaroa (PDP): Nos ta exigi diParlamento pa no drumi riba e tema diexploracion di gas y petroleo

Aruba ta drentanto un momento crucial. Minister Croes a recibi aprobacion pa explora petroleo.
E maneho desastroso aki di MEP purbando di hustifica cu nos economia lo bay crece ta un
mentira di marca mayor. Esaki ta e minister di mas populista y peligroso pa democracia. E
decision aki ta hiba ariba den tempo di pica piedra cu consecuencianan y implicacionan
negativo pa e futuro generacion.
Hobennan rond mundo y activistanan manera Greta Thunburg a lanta pa para contra e uso di
materianan prima manera petroleo y gas. Nos tur na school desde eerste middelbaar ta haya
les riba calentamento global y su implicacion. Como studiante bo ta wordo educa pa reduce,
reuse y recycle pasobra si a nos no cuida no planeta no tin un planeta B cu no lo por habita. Na
final di dia e Minister concerni su maneho lo ta desastroso pa e futuro di 16 mil hoben y miles di
hobennan adulto.
Un vision Progressivo riba energia sostenibel
E ta importante pa Parlamento institui un investigacion nacional cu karakter di urgencia riba e
maneho di e minister concerni. Despues di varios carta cu PDP a manda pa Parlamento ainda
nos ta sinti cu Parlamento completo ta drumi riba un tema asina importante, pero mayan
durante e contienda electoral di 2025 (si gobierno no cay prome) lo bay e debatenan y bisa cu
nan ta para pa sostenibilidad.

• Dicon ainda no a manda yama e minister pa bin responsabilisa su maneho?
• Dicon parlamento ta laga minister firma atrobe, manera biaha pasa cu e crisis di Eagle
  LNG cu lo costa Aruba miyones y ainda nos no a wak ni un pipita di e progreso
  supuestamente ey.
  Pa PDP un vision progressivo kermen cu nos tin cu tuma decisionnan dificil pero cu lo garantisa
  un miho provenir pa e futuro di mayan. Nos ta sostene un vision berde, pero uno realistico unda
  cu no ta djis haci inversion pa loco, pero sino nos ta accepta cu ainda e ciencia mester wordo
  desaroya. Pesey e ta crucial pa pidi sosten di reino y Union Europeo pa nos por logra haya e
  fondonan necesario pa haci e inversionnan pa nos por logra e sciencia necesario.
  Un “Aruba Green New deal”
  Mundialmente, nos ta wak e ola progressivo pusha pa un green new deal, na Europa y Merca
  nos ta wak politiconan progressivo ta pusha pa un maneho nobo unda cu nos ta tene cuenta pa
  crea mas empleonan pa e futuro di e mercado laboral. Pa es motibo aki mes e ta importante cu
  nos ta cuminsa inverti den un pi\lar economico. Pa PDP esaki ta stimula y haci uso di un Crisis
  ambiental pa converti esaki den un opportunidad economico pa Aruba. Posicionando Aruba
  como un environmental HUB den e region. Ideanan manera cambia e maneho di ELMAR y
  introduction di producion di alga y inversion den sciencia cu enfoka riba reduccion di costonan
  di cada hogar no ta ideanan nobo, simplemente nunca a wordo realisa.
  Plan financiero pa PDP
  E ta importante pa dentro di e proximo 5 añanan nos por inverti minimo 100 miyon florin den e
  green new deal aki. Y den e proximo 7 añanan si e BTW no por keda introduci, nos ta mira e
  necesidad pa introduci un Milieu belasting cu lo por genera un entreda nobo pa inverti den e
  sciencia asina necesario.
  Pa Leonardo Figaroa, y PDP negocia riba un maneho no progresivo riba e tema di Medio
  Ambiente y Naturalesa ta no negociabel.