Leonardo Figaroa: Minister Endy croes drumi riba e ‘langstudeerboete’ cu gobierno hulandes lo implementa

Education ta keda e tema mas importante pami como un hoben adulto y un studiante.
Pa mi coleganan studiante na Hulanda ayera, 20 juni 2024 Minister-kandidaat Bruins a
bin Tweede Kamer pa defende e maneho di ‘langstudeerboete’. Esaki ta un maneho
nobo cu gobierno hulandes kier implementa cu ta delinea den e ‘hoofdlijnen akkoord
Hoop, lef en Trots’. Esaki ta forma un problema real pa hopi studiante di Aruba cu por
yega na tarda un tiki mas pa termina nan estudio.
Esaki lo por wordo considera como un boet, pasobra si studiantenan loop uit cu nan
studie mas cu un aña, e studiante aki lo mester paga 3000 mil euro mas, cu ta traduci
na 6000 mil florin adicionalmente. Den e planesnan di e gobierno nobo tambe ta ser
informa cu e collegegeld lo subi na 2530 EU. Cuminsando 2026-2027 e langstudeer
boete lo keda implementa. Gobierno Hulandes ta calcula cu e boete aki lo genera 282
miyon EU den caha di gobierno.
E maneho nobo aki ta forma un preocupacion grandi pa nos partido si nos ta mira cu
hopi studiante na momento di yega hulanda durante nan prome dos semester nan ta
opta hopi biaha pa cambia nan estudio y esaki lo por tin implicacionnan financiero
negativo pa e studiante.

Lenguahe hulandes ta bay wordo promovi prome!
Den e acuerdo di gobierno tambe tin un punto menciona cu e ‘verengelsing’, esta cu
hopi estudio ta wordo brinda na ingles lo stop. Gobierno hulandes kier percura pa mas
hopi estudio possibel por wordo brinda den e idioma hulandes. E argumento di e
maneho nobo aki ta cu e ta mucho atractivo pa studiantenan international emigra pa
Hulanda. Esaki lo presenta un reto mas pa e nivel di education na Aruba. Hopi
studiante tin reto cu e nivel di hulandes, esaki ta hacie dificil pa studiantenan di Aruba
cu den futuro lo kier emigra pa hulanda pa continua cu nan estudio den un idioma cu no
ta facil.

Mas ‘numerus fixus’ lo bira e maneho nobo
Un otro informacion importante ta cu riba cierto educacion y estudio lo tin un maximo
cupo disponibel. Aunke ta indica te cu awo cu den e acuerdo di gobernacion esaki lo ta
pa studiantenan di exterior, e preocupacion grandi cu nos tin ta cu studiantenan di e
region Caribe Hulandes ta enfrenta discriminacion continuamente. Y cu e maneho nobo
aki lo por forma un peligro pa e studiante cu kier sigui profesionalisa su mes.

Nos proposicion
Enseñansa na man di Minister Endy croes no a recibi e atencion necesario y evolucion
necesario cu vision pa brinda studiantenan y hobennan cu mas opportunidad. Nos ta
spera cu e minister en question por actua dibiaha y por cuminsa manda carta riba e
preocupacionnan menciona pa garantisa cu e siguiente generacion di studiantenan no
word perhudica den futuro. E ta importante pa tin un vision basa riba futuro algo cu e
gobiernonan desde nos Status Aparte nunca a tene cuenta cunele.
Nos vision ambicioso ta pa modernisa e Landsverordening Universiteit van Aruba,
amplia e candidat di facultad y crea un state-of-the art University campus cu lo motiva
mas hobennan adulto terminando nan estudio secundario pa sigui profesionalisa nan
mes aki na cas. Pone mas atencion ariba e tema di long life learning y stimula mas
‘deeltijd programma’ pa e grupo di empleadonan cu kier sigui proffesionalisa nan mes.
Apart di e 248 miyon florin cu nos lo kier pone disponibel pa education, nos partido su
vision ta pa inclui un 10 miyon adicional pa universidad annualmente na fondo di
subsidio.
Education nunca por wordo mira manera drispidimento di fondonan publico. Nos
gobierno tin un responsabilidad constitutional ancra den articulo I.20 di capitulo uno cu
ta e derechonan fundamental. Nos partido kier mira mas fondo wordo buta disponibel
den education!