Exitoso prome conferencia ‘futuro di cuido na Hulanda Caribense’

Riba diaranson 19 y diahuebs 20 di juni 2024 Cuido y Hubentud Hulanda Caribense (ZJCN) a organisa e prome conferencia ‘Futuro di cuido na Hulanda Caribense’. E conferencia, cu a sigui tanto en bibo na Boneiro como online, a trece partner- di cadena y interesadonan hunto pa discutí e reto- y oportunidadnan unico di cuido di salud na Hulanda Caribense. Diferente experto a comparti nan conocemento riba temanan manera cuido ekivalente, futuro di e sistema di cuido y digitalisacion. Tambe a organisa workshop- y excursionnan na institucionnan di cuido pa discutí y mehora calidad y accesibilidad di cuido.

E conferencia a tuma luga relaciona cu e rapport final ‘The Caribbean Netherlands – Health system review’, cu ‘European Observatory on Health Systems and Policies’ a traha. E rapport ta duna un bista detaya di e actual estado di cuido di salud na Hulanda Caribense, resultadonan cu a logra desde 2010, y mehoracionnan necesario pa eleva cuido na nivel di Hulanda Europeo. Por haya e rapòrt aki.

Pa medio di organisacion di e conferencia di cuido ZJCN ta trece partner- di cadena y interesadonan hunto pa discuti e oportunidad- y retonan den cuido. Hulanda Caribense ta enfrenta retonan di cuido di salud unico. E caracter insular ta trece aparte di retrasonan real den cuido, necesidadnan specifico cune. Ademas e problematica di salubridad, abilidadnan di salubridad, percepcion y espectativa di cuido di salud, ta diferencia di esnan na Hulanda Europeo.

Presentenan
Durante e conferencia diferente experto a bin hunto pa comparti nan conocemento riba temanan manera cuido ekivalente, futuro di e sistema di cuido y digitalisacion. Conhuntamente a discuti con por garantisa calidad y accesibilidad di cuido na un manera duradero. Oradornan tabata entre otro Tie Tjee, Consehero Senior di Liderazgo di Ret Strategico y Jamiu Busari, docter di mucha na Hospital Horacio Oduber, catedratico na Ontario Tech University na Canada y profesor asosia na Maastricht University na Hulanda. Tambe diputadonan Nina den Heyer (Boneiro), Reuben Merkman (Sint Eustatius) y Eviton Heyliger (Saba) tabata presente y a comparti nan experencia y conocemento valioso.

Workshop
Aparte di e oradornan inspirante a tene diferente workshop, entre nan ‘Futuro di Cuido’, ‘Digitalisacion’ y ‘Sistemanan di Salubridad den Transicion (HiT)’. Durante di e workshopnan di HiT Ewout van Ginneken y Nathan Shuftan a duna splicacion amplio di e resultadonan di e rapport final. Ademas a organisa excurcionnan pa diferente institucion di cuido na Boneiro, manera hospital Fundashon Mariadal.
 
Colaboracion y ekivalencia temanan importante
Un conclusion importante ta cu colaboracion mutuo entre e islanan y cu partnernan di cadena ta un elemento esencial pa conhuntamente keda sigui mehora cuido. Ekivalencia tambe tabata un tema cu a keda bin bek. Por ehempel a discuti entre otro si cuido na Hulanda Caribense mester ta ekivalente na esun di Hulanda Europeo. Un participante a bisa lo siguiente al respecto: “Nos no mester keda fiha ciegamente riba ekivalencia cu Hulanda Europeo, pero lucha pa e miho cuido posibel pa nos islanan.”

Cu un bunita asistencia caminda partnernan di cadena di tanto Hulanda Caribense, Corsou, Aruba y Sint Maarten tabata ampliamente representa, nos ta wak conhuntamente bek riba un prome edicion exitoso.