Prome Minister Evelyn Wever-Croes: PRESUPUESTO SUPLETORIO 2024 A WORDO APROBA
Cu 12 Parlamentario na fabor y 9 contra
โGobierno di Aruba tin e mandato pa haci e pagonan pa loke ta indexering, aumento di pension, aumento di onderstand entre otroโ
ORANJESTAD — Diahuebs 27 di juni a continua e reunion publico pa trata Presupuesto Supletorio 2024. Un presupuesto cu ta refleha un maneho financiero responsabel y transparencia maximo. Gabinite Wever-Croes ta poniendo finansas publico riba e caminda duradero y responsabel. Gobierno a ricibi hopi pregunta for di Parlamento y a tuma tempo pa contesta cada pregunta.
Parlamento diahuebs atardi a aproba Presupuesto Supletorio 2024 cu 12 Parlamentario na fabor y 9 contra y cu esaki tambe Gobierno di Aruba tin e mandato pa haci e pagonan pa loke ta indexering, aumento di pension, aumento di onderstand entre otro.
Presupuesto Supletorio ta un ley cu ta wordo trata den Parlamento na unda cu Gobierno ta splica Parlamento motibo pa cua mester di e presupuesto aki, aunke cu ya nan a aproba e presupuesto pa e aรฑa aki prome cu aรฑa cuminsa, pero tin cosnan cu ta cambiando den e prome lunanan di aรฑa pa cua motibo mester haya aprobacion di Parlamento pa un Presupuesto Supletorio.
Prome Minister Evelyn Wever-Croes a indica cu anteriormente, den e gobernacion prome cu Gabinete Wever-Croes, e gobierno di Mike Eman tawata trata presupuesto supletorio te cu fin di aรฑa solamente pa informa Parlamento kico tur tawata a cambionan cu ya nan a haci den nan maneho durante aรฑa. Gabinete Wever-Croes ya desde principio di su gobernacion a cambia esaki y den un maneho prudente y transparente ta bin Parlamento cu e cambionan aki mita di aรฑa y no warda te fin di aรฑa, esaki pa di dos biaha den historia di pais Aruba.
Ta di comprende, Prome Minister a expresa, cu ainda no ta tur hende ta costumbra cu esaki, sigur oposicion no ta comprende esaki ni con pa deal cu ne, mirando cu esaki ta wordo haci asina pa transparencia y pa duna Parlamento e posibilidad pa haci pregunta y aproba e direccion cu Gobierno ta bayendo den e maneho financiero di nos pais.
Prome Minister a duna di conoce cu e cambionan aki ta bin debi cu economia a crece mas, mas entreda den caha di Gobierno y Gobierno a dicidi pa uza e placa aki pa mehora e forsa di compra di hopi sector den nos comunidad.
โMi ta gradici Parlamento pa aproba Presupuesto Supletorio 2024. A conta cu aprobacion door di coalicion MEP/RAIZ y door di Parlamentario Independiento Ryรงond do Nacimento. Danki pa sostene esaki y para na banda di empleado y pensionadonan cu berdad a bay atras den nan forsa di compra. Awe nos ta bisa nan danki pa tur locual nan a haci pa Aruba. Y awo Aruba ta cuminsa duna bekโ, Prome Minister a expresa.
