Leonardo Figaroa: Introduccion di Sectaris-Generaal pa cada ministerio lo garantisa continuidad di gobernacion
Bon gobernacion, Kico esaki ta? Awen dia bo puntrami como politico mi no kier ni usa e palabra cu
tanto biaha a wordo mal usa. Pueblo claramente ta perde mas confiansa den politiconan na
momento cu tin un sentencia cu ta mancha un biaha mas no solamente nos poder ehecutivo, pero
ta mustra con fragil nos poder legislativo ta na momento di actua. Awe nos ta wak cu Aruba tin 5
politico condena cu veredicto. Esaki ta fortifica e pensamento cu hopi tin na Aruba di no tene
confiansa den politiconan. Partido AVP cu 3, MEP cu 2 sospechoso, Partido POR cu 2 politico
condena y 1 sospechoso den e caso flamingo.
Unda nos ta bajendo? Kico nos a haci asina robes pa confia politiconan cu ta haci abuso di nan
poder y nan posicion. Nos mester reforma serio pa por garantiza un tipo di restauracion di e
confiansa cu durante e ultimo 4 gobiernonan a keda demonstra cu Integridad ta un palabra grandi
cu tiki peso na dje.
Pakico e ta importante pa tin โaccountabilityโ & โCheck and balancesโ?
Pami e ta importante cu nos tin un Parlamento cu ta proactivo, cu ta tene e ministernan
responsibel ora algo bay robes. Durante kabinete Evelyn Wever croes nos no por lubida: E caso
di Eagle LNG, Overbruggingstoelage, Fase, loonsubsidie, Korting di 12.6% den e bezoldiging di
ambtenaar, caso di touffaneli y exoneracion di sr. Edison Briezen. Unda e responsabilidad
tabata? E ta increibel cu ainda na Aruba nos no tin cuenta annual desde 2019. Responsabilidad
financiero ta e accion mas importante den un pais cu financieramente tin hopi reto. Nos
Parlamento ta drumi, pero mi tin speransa cu Aruba lo vota 2025 pa un direccion correcto. Pa
un representacion mas digno y mas enfoka riba tene su gobierno responsabel.
Pa contesta e pregunta aki tin dos componente importante, integridad y corrupcion. Corupcion
ta causa cu โ
parti di placa y fondo publico ta bay den man di un grupito, mientras cu esaki por
a wordo inverti den Pueblo. Integridad y bon gobernacion ta e fundeshi di un gobierno, paso
pueblo ta confia su representantenan cu ta duna e confiansa di pueblo na e gobierno pa asina e
por goberna. E principio di confiansa ta e base fundamental di nos estado di democracia.
Nos proposicion pa restaura e confiansa perdi di hopi votador ta:
Primeramente, un landsverordening Instelling Ministeries, cu ta regla e responsabilidad
ministerial manera e conseho di Raad van Advies di 25 april 2024. Segundamente, ancra e
codigo di comportamento di un ley nobo cu PDP kier propone. E ley aki lo mester percura pa tin
un profielschets pa cada minister. Den nos vision e ta inaceptabel cu un minister di pais Aruba
no tin un estudio pa e cartera cu nan ta responsabel pele. E den e gobierno actual e cantidat di
persona cu no tin un diploma pa ta minister ta 4, cuatro minister cu no tin diploma y estudio pa
por ta den e function cu nan ta. Esaki ta inaceptabel !!!
Banda di esaki nos ta propone pa fiha e LIM na 12 aรฑa, cu lo por wordo solamente cambia cu
un mayoria kwalifica den parlamento (14 di 21 parlamentario) pa percura cu e siguiente
kabinete no ta djis cambia e LIM politicamente. Esaki lo garantisa cu cada departamento cu ta
resorta bou di e ministerio lo conoci continuidad, algo cu Aruba no tabatatin pa e ultimo 4
decadasnan. Esaki a resulta den fondonan publico wordo usa di un forma ineficiente ora
gobierno ta cambia di asignatura y ta stop tur projecto, maneho y ley cu e gobierno anterior a
laga atras. Pa es motibo segundamente e ta essential pa introduci e Secretaris-Generaal di
cada Ministerio. Esaki lo caba cu nepotismo y โvriendjes politiekโ e lo percura cu tin continuidad,
consistencia y unidad den e maneho cu lo keda garantisa. Locual aworakinan no tin cu
nombramento di โfriends & familyโ den ministerionan. E responsabilidad di e
Secretaris-Generaal lo ta pa percura cu tin coordinacion riba e โhoofdlijnenโ di e preparacion di
maneho y ehecucacion di esaki dentro di cada ministerio. E lo finalmente, garantisa tambe cu
tin mas unidad, continuidad di maneho.
