Aruba Bank su ekipo di volleyball a titula campeon di e torneo 5 Kamp
Oranjestad, Aruba – 8 di augustus 2024 – Aruba Bank ta contento di anuncia cu su ekipo di volleyball a sali victorioso como campeon di torneo 5 Kamp 2024.
Aruba Bank ta sumamente orguyoso di e gran esfuerso, dedicacion y “team spirit” cu e hugadornan a demostra durante tur partido di e torneo.
E banco ta gradici tur empleado y “cheerleaders” cu a duna nan apoyo sin descanso pa yuda e ekipo di Aruba Bank logra e titulo aki. Boso entusiasmo a sirbi como un inspiracion pa e ekipo y a contribui na gran forma na e exito cu Aruba Bank a logra.
E torneo aki no solamente ta un prueba di deporte, pero tambe di union y cooperacion.
Un danki y pabien na tur esnan cu a contribui na e exito grandi aki. Aruba Bank ta continua cu su participacion den varios otro deporte durante 5 Kamp y ta celebra tur e logronan cu hopi pasion y determinacion.
