Pa dirigi y supervisa un sitio di incidenteKPA AWOR TIN OFFICIER VAN DIENST VAN POLITIE (OVD-P)

MACUARIMA, ARUBA: Recientemente a tuma lugar un curso intensivo di OVD-P (Officier Van Dienst van Politie) na Aruba. E curso a concentra riba e parti di, supervisa e decisionnan tuma na e sitio di e sucedido como tambe dirigi y traha hunto cu diferente otro departamentonan (partners). Durante e curso diferente departamento a colabora entre otro; KPA , CMO, Ambulance y Brandweer.

Cuerpo Policial di Aruba, Korsou, Caribe Hulandes y Sint Maarten a participa na e curso aki.

Tabata un curso na unda diferente polisnan den nos region a wordo certifca pa ta un OVD-P. Coleganan a wordo confronta cu diferente scenarionan na unda nan mester a pone den practica loke nan a siña pa asina por a demostra cu nan ta prepara pa cualkier situacion cu presenta.

E curso a wordo duna door di docentenan Hulandes di Politie Academie. Ta trata di sr. Cees van Es y sr. Ronald Brans-Brabant. E curso tabata di dos siman intensivo. E la wordo parti den dos fase tanto theoretico y practico.

Den presencia di altocomisario interino sr. Robert Candelaria a bay over na duna e certificado na e cursitanan.

Orguyosamente nos por bisa cu di e 16 cursistanan 13 a logra nan certificado cu exito. Awo nos polisnan como tambe esnan den nos region ta capacita pa cualkier eventualidad.

Cada un a ricibi nan vest di OVD-P cu sumo placer y orguyo. Nos di Cuerpo Policial Aruba ta orguyoso na cada un agente policial cu a termina e curso intensivo aki cu exito! Masha pabien!