Minister Dangui Oduber : BANCO CENTRAL TA CONFIRMA E EXITO GRANDI DI TURISMO NA E ECONOMIA DI ARUBA.
ORANJESTAD โMinister di Turismo y Salud Publico sr. Dangui Oduber ta informa comunidad cu Banco Center Aruba (BCA) ta confirma e exito grandi di turismo na e economia di Aruba. BCA a publica e โEstado di e Economiaโ pa e prome kwartaal 2024. E analisas y aspectonan cu mas ta descata ta turismo a keda e contrubuyente principal na e crecemento economico y a registra aumento significante den gasto di turista.
Durante e kwartaal 2024 a ser demostra cu analisis cu e demanda pa Aruba ta keda uno halto pero crecemento economico y den bishitante ta bin cu su desafionan. Minister Dangui Oduber tin e responsabilidad pa segura cu Aruba su economia ta sigui crece mientrastanto liderando cu practica di un turismo sostenibel. Proyectonan di sostenibilidad y innovacion ta aliniando cu e vision pa un sector turistico mas resistente y innovativo integrando tecnologia nobo pa mehora e experiencia total di e localnan y bishitante.
Minister Dangui su maneho y enfoke principal ta basa ariba:
1. Trece e turista afluente y di calidad.
2. E maneho di high value low impact ta dunando resultado.
3. Enfoka ariba reduci cantidad di expansion di cambernan y pone un paro ma esaki
4. Explora mercado di yatenan luhoso
5. Regula vacation rental pa crea igualdad y level playing field
6. Haci inversionan continuo den mehoracion di producto Aruba.
7. Percura pa un turismo sostenibel y manehabel
Resultadonan ta demostra cu e turismo a registra aumento significante den gasto di turista. Ademas, e continuacion di proyectonan di construccion relativamente grandi a hisa inversion mientras consumo eleva tambe a duna un impulso na economia Arubano. Durante e prome kwartaal di 2024, mayoria di e indicadornan relata na consumo a registra un mehoracion compara cu e mesun periodo di 2023. Por ehempel, importacion di mercancia a expande.
Finalmente, Minister Dangui Oduber ta sigui percura pa tin miho structura y inversionan den proyectonan pa mehora Aruba y focus riba sostenibilidad. Alaves enfoka ariba su maneho cu ta demostra accionnan concentro pa tin un turismo sostenibel y bon balansa pa e futuro generacion di Aruba. Pa lesa mas di e publicacion ta disponible riba BCA su website.
