One Happy Island Lions Club a colecta 475 bril usa na Opticanan di Aruba

Desde 1990 Lions International por medio di clubnan Lions y Leo mundialmente den e programa yama ” Sighfirst”  ta yuda combati ceguera prevenibel y reversibel of ta asisti esnan ciego y visualmente incapacita.

Na Aruba, One Happy Island Lions Club y Delta Aruba Leo Club ta haci esaki cu cooperacion di tur Optica na Aruba. Den tur optica tin un buzon di Sightfirst di Lions International unda despues cu bo a haya bo bril nobo, por deposita bo bril uza. E aña aki nos a logra recolecta 475 bril cu a wordo manda pa paisnan den necesidad unda e monturanan y glasnan aki por wordo recicla y por yuda persona nan den necesidad.

Localmente One Happy Island Lions Club ta coopera tambe na peticion individual ricibi pa ayudo cu bril.

Un danki immenso ta bay pa Kok Optica, Optica Moderna, Optica Leslie, Perle Vision Aruba, Optica Perfect Vision, Sun & Shade Optica.