Baku Initiative Group ta firma un MOU ku Bonaire Human Rights I Movementu Pa Kambio pa kombati kolonialismo I promove derechonan humano
E Baku Initiative Group (BIG) un organisashon no-gubernamental renombra ku ta fokus riba dekolonisashon I derechonan humano, ofisialmente a firma riba 23 augustus 2024 na Baku, Azerbaijan un Momerendum of Understanding (MOU) ku Bonaire Human Rights Organization I Movementu Pa Kambio. E partnership tin su obhetivo pa alsa, mehora e esfuersonan di kolaborashon pa atende ku kolonialismo I neo-kolonialismo tantu na nivel nashonal komo internashonal
E MOU te rekonose BIG su reputashon internashonalmente establese I su alineashon ku organisashonan manera Nashonan Uni I Movementu di Paisnan No Alinja. Huntu, e partnernan lo partisipa na inisiativanan multilateral, inkluyendo demonstrashonan, eventonan,I konferensianan, pa konsientisashon global tokante dekolonisashon I desafionan relashona.
Kompartiende un mishon komun, e partidonan ta kompremete nan mes pa mehora nan efektividat pa medio di koperashon den areanan klave di mutou interes.
Aspektonan klave di e akuerdo ta inklui e establesementu di interkambionan mutuo regular I bishitanan di delegashonan, promoviendo eventonan konhunto manera konferensianan I mesa rondo ku ta alinja ku obhetivonan komun. E partnernan ta enfatisa e importansia di koperashon praktiko I difushon di informashon durante eventonan internashonal, permitiendo miho alinjamento di strategianan.
Ademas, e memorandum ta enkurasha e kordinashon di posishonan dentro di foronan internashonal, fasilitando sosten mutuo den konstrukshon di konekshonan ku otro organisashonan ku ideanan similar.
E partneship tin komo obhetivo pa fortalese e vinkulo entre Azerbaijan I Boneiru, poniendo e base pa programanan di kolaborashon pa futuro basa riba konsentimentu mutou. E partnernan ta ekspresa optimismo tokante e potenshal resultadonan di e koperashon, ku ta promote pa mehora e posishon global I efektividat den desafionan komun.
E dokumento a wordu firma pa Sr Abbas Abbasov, Direktor Ehekutivo di Baku Initiative Group, Sr James Finies di Movementu Pa Kambio I Sra Davika Bissessar-Shaw, president di Bonaire Human Rights
E momento historiko aki a wordu presensia pa e delegashon Boneriano na Baku I oradonan internashonal, Ambasador Dr June Soomer, Presidente di Foro Permanente di Hendenan di Desendensia Afrikano di nashonan uni, Ambasador di Nashonan Uni di Belize Sr Fuller, Sr Matai Zamuel Representante Internashonal di Hoben di BHRO di Surnam, Pofesor Richard Byron-Cox, Enviado Spesial di San Vincente I Grenadines I Sr Jorge Garcia di Sekretaria General di COPPPAL di Mexico I numeroso medionan di komunikashon.
E firmaneto di e akuerdo aki ta testimonio to nos kompromiso mutuo pa marka un diferensia signifikativo den bida di e hendenan di Boneiru ” Huntu nos ta mas fuerte”
Bonaire Human Rights Organization
