Leonardo Figaroa: PDP lo sostenesolamente un vak-minister pa finansapublico, pa nos esaki ta non-negotiable!

E reto mas grandi awe ta cu nos tin un gobierno di coalicion unda a mayoria ta ministernan di
MEP. RAIZ cu su 2 ministernan den conseho di minister no tin poder pa influencia maneho y
pone presion politico unda cu tin mester. Pueblo a vota pa RAIZ cu un speransa cu “nos lo no ta
nan”, pero awe nos por wak con e tirania di mayoria sosteni pa RAIZ ta causando un maneho
financiero desastroso pa e siguiente generacion, un pobreza structural cu cada biaha ta keda
aumenta y asina tin hopi otro retonan mas cu e pais ta enfrenta. E ta importante pa remarka cu
partido RAIZ ta manehando no mas cu 6% di full e presupuesto di pais Aruba (mira conseho
LIM 2022, Rva 115-21), na varios ocasion tin dos reto grandi:
Un di nan ta cu no tin continuidad debi cu cada gobierno ta cambia e ley cu ta regla e
responsabilidad ministerial esaki ta percura cu e ta costa mas fondo pa Aruba y e
pagado di impuesto.
Nos tin un gobierno demasiado grandi, Conseheria General a indica na 2022 (RvA
115-21) caba den su conseho cu Aruba mester un gobierno chikito cu lo por percura pa
ta mas eficaz na momento di por tuma decisionnan importante pa e pais.
Un vakminister, Kico esaki ta?
Den Aruba su historia masha poco nos a yega conoce un vak minister, durante e gobierno di Sr.
Mike Eman, Sr. Angel Bermudez a keda nombra y apunta como ministro di finanza, den mi
opinion un di e miho ministernan cu nos a logra haya riba e tereno financiero. Awe hopi di e
eficiencia di e departamento di impuesto ta danki na e fundeshi solido di su maneho cu e la
implementa. Nos por wak un biaha mas cu riba e tereno financiero ainda nos no tin un maneho
financiero solido y duradero.

1. Minister di Finanzas no ta entrega e cuenta annual cada 30 di augustus segun
   ordenansa di comptabilidad.
2. Tin presupuesto cu surplus, pero unda e fondo aki ta bay?
3. Dicon gobierno di Aruba mester a presta $160 miyon riba mercado internacional?
   Pa PDPesaki ta preguntanan importante, paso awe danki na e maneho desastroso y
   irresponsibel di AVP & MEP cu durante decadasnan nan a hiba, e hoben y baby cu nace awe
   tin un obligacion cu su pais balora na 56 mil florin, pa nos esaki ta inacceptabel.
   Nos proposicion
   Na un ocasion anterior nos a informa pueblo cu pa nos partido enfasis riba finansa publico ta
   crucial, no solamente nos mester introduci un maneho financiero mas sostenibel y duradero,
   pero mester cuminsa implementa e reformanan y medidanan cu pa decadasnan politica a
   neglisha. Nos punto di salida ta un maneho financiero duradero pa e futuro generacion.
   Nos vision ta pa por tin un systema di finansa publico unda Aruba no mester presta riba
   mercado international na tasa di interes halto pa cubri tur su gastonan, pero cu nos mes riba
   propio forsa por demonstra di maneha nos finansa publico.
   Segun conseho di Raad van Advies 25 april 2024 tin algun cambio den ley y maneho cu mester
   keda introduci y nos ta sostene tur esakinan. Algun di nan ta por ehempel:
4. Minister di Finansa mester ta un cartera so y no por ta responsabel pa un otro cartera.
   Ta importante pa menciona cu e ordenansa di comptabilidad ta duna e minister aki
   autoridadnan cu ta percura cu e responsabilidad aki ta uno mucho mas grandi di locual
   pais Aruba tin mester un minister cu mas responsabilidad. Minister di Finansa ta carga
   responsabilidad pa e maneho financiero economico di pais.
5. Segundo minister di Finansa ta responsabel pa representa pais Aruba como accionista
   den varios compania semi-publico of Nv’s, e aspecto di maneho tin cu wordo regla door
   di e minister en question. Den varios caso tin traspaso di mandato pa un otro minister
   encarga cu e responsabilidad di maneho. Nos vision ta cu e minister di finansa no
   necesariamente cada biaha master traspasa e aspecto di mandato na un otro minister.
6. Mester desaroya un maneho di participacion general, cu tambe ta responsabilidad di
   Minister di finansa.
   Nos ta exigi di e siguiente coalicion pa tin un minister di finansa cu ta mas miho ekipa pa por
   hiba un financiero di pais Aruba mas duradero y eficiente. E vision di PDP ta pa nos por haya
   sosten dibo como votador pa por forma parti di e siguiente coalicion pa di tal forma por negocia
   y pidi e cartera di minister di finansa pa asina nos por propone un nomber di un persona studia,
   cu experencia necesario y sin miedo pa perde voto pa por implementa e reformanan cu nos
   pais tin mester. Ehecuta e reformanan di e landspakket y tur e protocolnan cu kabinete Wever
   Croes a firma di 2018 te cu awo, traha mas lihe y eficiente pa implementa tur e preparacion di e
   Rijkswet pa mas supervision financiero. Mas pronto nos implementa e reformanan akinan mas
   luther nos por trece alivio financiero den cada hogar.