BodyFitnessGym ta conoce un rebranding completo
RawFitness Y RawCrossFit ta cla pa trece e siguiente nivel di Fitness riba nos isla.Diaberna ultimo, e gym conoci como “BodyFitnessGym&Nutrition” a lansa na rebranding oficial, despues di a opera bou di e nomber anterior pa mas di 8 aña. Den transcurso di e 8 añanan, e gym a mira varios expansion di espacio, ademas di diferente conceptonan bou di e mesun dak. Den aña 2019 e adicion di club di deportenan di forsa, “Paradise Strength Aruba” a inicia e proceso di cambio, unda cu e gym a cuminsa ofrece mas opcion pa training cu solamente fitness. Despues di esey a bin aserca un “box di CrossFit” cu a carga e nomber di BFN CrossFit. Un deporte sumamente popular,unda e box tin mas di 100 miembro ta practica e deporte aki. E ultimo adicion tabata e SmoothieShop y tienda di suplemento, cu e nomber di “BFN Smoothie&Nutrition”.Alrededor di dos aña pasa, doño di e gym, Derick Xie a cuminsa prepara e siguiente paso pa e gym. E situacion den e lugar actual a hasi necesario pa mira aun mas expansion, como e 1000m2 no tabata suficiente mas. Kinan e idea a cuminsa pa expande den nos lugar nobo,unda cu hopi pronto lo habri porta. Manera ta conoci, BFN Gym ta situa den e edificio unda “Kong Hing Supermarket” a opera pa hopi aña, pero den e edificio anexa na e supermarket mes. Ora e oportunidad a presenta su mes pa muda bay den e edificio principal mes, no a duda ningun momento y mesora a cuminsa e proceso pa hasi esaki posibel. Awor despues di casi 2 aña den pleno preparacion, a yega e momento pa completamente hasi e cambio, no solamente muda y busca ekipo nobo, pero tambe hasi uso di e oportunidad pa laga e BFN atras, y cuminsa cu un ERA nobo pa e gym Dia 30 a lansa e nomber nobo, asina cuminsa e proceso final di sera e capitulo di BFN Gym. Desde 1 di September, e nomber oficial di e gym a bira: RAW FITNESS. Den e liña aki, tambe a rebrand e CrossFit, cu awo ta carga e nomber di RAW CrossFit. E rebranding aki lo trece cune un look nobo y moderno pa e gym.Apertura oficial y tur informacion di e gym nobo lo wordo publica entre pronto, pues keda pendiente pa tur updates riba social media!
