ONE HEALTHY DAY FESTIVAL TA ‘KICK OFF’ DIADOMINGO
AWOR DIA 20 DI MAART

Despues di hopi preparacion, diadomingo awor dia 20 di Maart lo tin e prome edicion di
‘One Healthy Day Festival’. E evento di salud aki ta un iniciativa di ‘One Happ Bowl’ y ‘Levi
Silvanie Company. Ta trata di mas di 50 actividad durante 17 ora rond di nos isla di Aruba
y pa tur edad. E partinan mas importante ta cu e ta accesibel y gratis.
Mundo y naturalmente den Caribe Hulandes, ciudadonan a cuminsa bira mas conciente di
con importante e ta pa biba un bida saludabel. Esaki ta exactamente e objetivo cu e
festival aki tin pa asina por uni y inspira nos comunidad pa ta mas pro-activo pa nan salud.
One Healty Day ta inclui tur hende. E no ta mira limitacionan mental of fysico, ni tampoco
edad.
E festival mes ta uno cu ta empodera y cu un fin sin lucro financiero. Durante e dia aki
famianan y individualnan por explora diferente opcionan saludabel cu nos isla tin pa
ofrece. E variedad di actividadnan ta grandi y lo ta tumando lugar rond di nos isla. Entre
otro lo tin yoga, hiking, bailamento, water sports, bootcamps, ajedrez, deporte nan di
special olympics y deportenan den team.
Ademas di e actividadnan fysico, professionalnan lo duna diferente charla y workshop cu
topiconan di salud fysico pero tambe mental. Diferente restaurantnan lo brinda menu nan
special cu e toke saludabel.
Importante pa subraya cu tur actividad lo ta completamente gratis. E dia lo termina den un
forma grandi cu presentacion musical di Ataniro y Oruba cual lo tuma lugar riba un stage
nobo cu jama ‘Backstage at Cas di Cultura’. Esaki ta situa den e cura di Cas di Cultura
parti patras.
Apesar di e resultado instante di e dia special aki, e organisacion tin e vision pa riba
termino largo nos comunidad por biba un bida mas saludabel y feliz. Durante henter aña,
One Healthy Day lo organisa diferente otro actividadnan hunto cu IBISA y DVG. Un di e
objectivonan ta pa por crea un fondo cu por duna aporte na muchanan di menos recurso e
oportunidad di participa activamente den diferente deporte.
Pa mas informacion manera e agenda y pa inscribi por subi riba e website
onehealthydayaruba.com
One Healtjhy Day ta gradici ASD, BENU, CEDE, Guardian Group, IBiSA, Levi Silvanie
Company Medwork, Nagico, One Happy Bowl, Sagicor Life, Sahalia Yoga Aruba, Setar
and Fundacion Movemiento ta Bida.
Nos ta warda Aruba completo diadomingo awor dia 20 di Maart 2022 for di 5 or di mainta
te cu 10 or di anochi.

Presente na e conferencia di prensa tabata Hans Plaisir di One Healthy Day Mark Benson
Denz como Modedor, Nicole Hoevertsz, IOC, Dahariana Evertsz, DVG, Ataniro, Artista,
Rene Wild, Nutricionista, Andrea Alfonzo, instructora di Zumba y Vicky Arenz di Cas di
Cultura.