Alberto Klaber a caba cu e photoshoot pa Kalender 2025.

Despues di varios siman di photoshoot Alberto Klaber di Best Shot by Klaber a keda cla cu e ultimo photoshoot.Alberto Klaber mester a saca e miho potretnan pa e Kalender 2025.  No ta facil pa saca potret pa un ocasion special, manera e Kalender di Brazil Taekwondo Stichting. E Kalender di Brazil Taekwondo Stichting ta pa recauda fondo y mester tin potret bunita aden. Hopi factor ta hunga un rol manera e camara, tempo, localidad, orario, atletanan y timing perfecto. 
Semper ta scout areanan rond di Aruba of Internacional pa no tin e mesun cos den e Kalender. Despues di scout e areanan, mester discuti esaki hunto cu e team pa cuminsa saca potret. Awo lo selecta e miho potretnan pa asina entrega esakinan na Master Clifford Rasmijn.