ImSan a bishita Cas Marie

San Nicolas, En conexion cu Dia Mundial di Alzheimer venidero coleganan di Instituto 

Medico San Nicolas (ImSan) a haci un bishita di cortesia na e clientenan di fundashon Cas 

Marie. ImSan tin como meta pa asisti instancianan y asina educa nan clientenan, 

asistentenan y e comunidad en general riba nan salud.

Fundacion Cas Marie ta un pasadia pa personanan cu Dementia y Alzheimer, nan ta coach

y duna sosten na famia nan cu tin mester.

Durante e bishita e personal di ImSan a percura pa e clientenan di fundacion Cas Marie 

haya un health check-up pa controla nan salud. Tambe e empleadonan a haya un training 

di “Heartsaver First Aid” pa asina den momentonan di emergencia nan ta bon prepara.

A comparti un rato ameno cu e cliente-/empleadonan di fundashon Cas Marie. ImSan ta 

gradici y ta felicita fundashon Cas Marie pa e bon trabou cu nan ta eherciendo, amor y 

dedicacion cu nan ta duna e clientenan