Baku Initiative Group (BIG) ta hasi yamada riba Hulanda pa respetá libertad di Islanan Karibense

E Grupo Baku Initiative (BIG) ku resientemente a firma un Memorandum di Koperashon ku Bonaire Human Rights i Bonaire Movementu Pa Kambio a hasi un yamada riba gobernashon Hulandes pa respetá e libertad di pueblo ku nan tin hopi tempu kolonisa i pa stop di krea obstákulo den e lucha di islanan pa outodeterminashon den organisashonnan internashonal.

Resientemente, gobernashon Hulandes a someté un programa nobo na parlamento di su pais. E programa aki a risibí aprobashon di Gabinete di Ministro i mester awor wordu diskutí i aprobá den parlamento.

E deklarashon di Baku Initiative Group ta bisa:

“Hulanda, un pais kolonial pa siglonan, no a mustra niun tipo di indikashon ku lo e respetá e libertad di e pueblonan ku e a tene den kaptividat i eliminá e obstákulonan ku e a impone riba e bida I derecho di outodeterminashon di territorionan ku ta situa na dies mil kilómetro di distansia.

E partidonan ku ta forma e  gobernashon nobo Hulandes – Partido di Libertad (PVV), Partido Popular pa Libertad i Democracia (VVD), e Kontrato Sosial Nobo (NSC), i e Movimiento di Kumpradó-Kampesino (BBB) – ta klaim ku nan ta lucha pa ‘libertad’ den nan statutonan, pero nan ta sigui oprimi e libertatnan di e pueblo di e seis estadonan lokalisá den e área Karibense – Aruba, Kòrsou, Sint Maarten, Boneiru, Sint Eustatius i Saba.

E programa nobo di gobernashon ku nan a someté ta klaim ku lo nan implementá inisiativanan leglislativo i strategiko ku tin e objetivo pa yuda bienestar di e islanan basa riba prinsipionan di bon gobernashon i kooperashon na Boneiru, Sint Eustatius i Saba. Un Lei Administrativo General lo wordu prepará pa esaki, ku ta inkluí e prinsipio di ‘kumplí i splika’.

Asina, e gabinete nashonalista derecha I ekstremo derecha nobo di ministernan di Hulanda ta preparando pa kontinua ku e politika kolonial di e anterior gobernashon. Aunke e gobierno ta bisa ku algun di e islanan tin status autonomo, den realidad e territorionan aki ta kompletamente dependiente riba Reino di Hulanda. E islanan aki tur a wordu kita for di lista di e NASHON UNÍ di territorionan ku mester wordu dekolonisá.

E konferensia internashonal titula ‘E ruta di Boneiru di Baku via Asamblea General di Nashonan Uni pa auto-determinashon’ a tuma luga na Baku riba 22 di Augustus e aña aki pa pone e situashon real di e kolonianan Hulandes na atenshon di komunidat mundial.

E pueblonan ku ta lucha pa nan libertad, en partikular e isla Boneiru, tin plannan pa someté un resolushon na Asemblea General di Nashonan Uni den Oktober e aña aki pa re-inkluí nan den e lista di NASHON UNÍ di territorionan sin propio gobernashon.” 

E Grupo Baku Initiative ta exigi ku gobernashon Hulandes respetá e libertad di pueblonan i no krea obstákulonan den e lucha di islanan pa outodeterminashon den strutktura di organisashonnan internashonal.