Ministerio Publico lo bende boto na findishi riba 6 di november
Ministerio Publico lo bende mas of menos 20 boto na findishi riba diaranzon 6 di november venidero. Ta trata di boto warda na Marinierskazerne na Savaneta. E botonan aki lo wordo bendi na esun cu ofrece mas cen pa nan.
Mescos cu tempo a bende boto den añanan anterior, bo persona mester inscribi di antemano na Ministerio Publico. Esakinan ta e reglanan:
Advertisements
- Bo por inscribi te diabierna 25 di oktober na Ministerio Publico via ann.angela@omaruba.aw. Bo por opta tambe pa yama sra. Angela na Ministerio Publico na tel. 521-4135. Despues di 25 oktober INSCRIPCION TA CERA.
- Ora di inscribi mester inclui:
– Nomber
– Fam
– Fecha di nacimento
– Pais di nacimento
– Number di ID (di bo ID, paspoort of rijbewijs)
– Number di telefon.
- Unicamente personanan cu a inscribi na OM mag di meld nan mes riba 25 di oktober 2024 pa 9’or di mainta na entrada di Marinierskazerne pa wak e botonan y duna un oferta por escrito riba e boto cu nan ta desea pa cumpra.
- Ora bo presenta na porta di Marinierskazerne, bo mester mustra e mes ID cu bo a inscribi cu ne. Si bo no tin esey cu bo, bo lo no haya entrada.
- Muchanan no mag di drenta.
- Si bo persona resulta esun cu a haci e oferta mas halto, lo tuma contacto cu bo. Despues bo por pasa e placa na banco. Pago por solamente via TRANSFERENCIA BANCARIO. Bo mester pasa placa na banco. No por swipe ni paga cu cash.
- E boto ta wordo entrega una vez mustra e recibo di pago, e contrato di compra y e ID di e cumprador.
- E cumprador lo wordo informa despues tocante e fecha cu e por busca e boto. Ministerio Publico no ta duna ningun garantia riba e estado di e botonan. E venta ta bay ‘as is where is’.
- E cumprador mes mester percura pa transporte.
