“St Dominicus College y St. Paulus School lo representa Aruba den Weganan Interinsular 2025 den Basketball B Mucha Homber”
Recientemente a tuma lugar weganan di basketball escolar categoria B mucha homber, cual weganan aki a wordo organiza pa IBiSA.
Un total di 18 scol a participa na e weganan aki y dia 18 di october e final a tuma lugar unda cu St. Dominicus College a enfrenta St. Paulus School.
Den wega final St. Dominicus College ta titula campeon y St. Paulus School ta keda cu e titulo di sub campeon.
Ambos Scol ta logra clasifica pa Weganan Interinsular 2025 y e weganan aki ta bay tuma lugar na Aruba for di 27 te cu 30 di maart contra di Curaçao y Bonaire.
Pa loque ta trata otro ramonan di deporte cu ta bay tuma lugar proximamente ta atletismo, futbol, schaken, dammen, volleyball, basketball scol avanza, aquathlon y trefbal.
Inscripcion pa weganan escolar por wordo haci solamente via scol.
Weganan Interinsular 2025:
Pa loque ta trata Weganan Interinsular 2025, esaki ta inicia na Curaçao for di 13 pa 16 di maart 2025 cu deportenan di schaken, aquathlon y futbol scol avanza.
Despues weganan ta tuma lugar na Aruba for di 27 pa 30 di maart cu deportenan basketball 3×3 scol basico, dammen y volleyball.
Weganan Interinsular 2025 lo culmina na Bonaire dianan 10 pa 13 di april cu deportenan di basketball 3×3 scol avanza, atletismo y trefbal.
