Bonaire Human Rights ta tuma posishon na Konferensia di Nashonan Uni na Ginebra, I pone emphasis riba Kolonialismo i Derecho Indigino

Ginebra, Suiza – James Finies i Davika Bissessar di Bonaire Human Rights (BHRO) a partisipa resientemente na un konferensia internashonal na Sede di Nashonan Uni na Ginebra, organisá pa Baku Initiative Group. E evento a trese parlamentario, eksperto, politiko I sosiedat sivil pa diskuti riba e impakto duradero di kolonialismo Franses i Hulandes, ku un enfoke riba hustisia, autodeterminashon, i derecho humano, segun e Tratado Internashonal di Derechonan Sivil I Politiko (ICCPR).

Un tema importante ku a wordu trese dilanti na konferencia ta violashon di Hulanda di e tratado, ICCPR, espesialmente Artíkulo 1 i 2. Artíkulo 1 ta afirmá e derecho di tur pueblo pa autodeterminashon, inkluyendo kontrol riba nan rekursonan i status politiko. Artíkulo 2 ta ordena ku tur hende ku ta viktima di violashon di nan derechonan mester hanja un solushon efektivo, inkluso kontra su mes ofisialnan.

Después di nan partisipashon na eventonan na Nashonan Uni New York, e delegashon di BHRO a biaha pa Ginebra pa partisipá den e diskushonnan importante aki. Durante e konferensia, nan a somete un keho formal historiko na e Alto Komisionado di Derecho Humano di Nashonan Uni, denunsiando violashon di derechonan humano kontinuo dor di e gobièrno Hulandes na Bonaire. E keho ta pidi pa hustisia, responsabilisashon, i respet pa derechonan humano i autodeterminashon di pueblo Boneriano.

Riba 23 di Oktober 2024, BHRO a partisipa tambe na un konferensia híbrido titulá “Empoderando Hobenan, Pueblo Indígena, i Estadonan Chiki Insular(SIDS) den Promové Derechonan Ambiental i Hustisia Klimatiko” na Domaine de la Pastorale na Ginebra. E evento, organisá pa e Geneva Centre for Human Rights Advancement and Global Dialogue, a enfoká riba derechonan ambiental di komunidadnan vulnerabel, partikularmente di pueblonan indígena i estadonan chiki insular afektá pa kambio klimátiko.

E delegashon di Bonaire a resaltá e intersektashon di hustisia klimatiko i kolonialismo, poniendo énfasis riba e amenaza urgente pa e poblashon nativo di Bonaire debi na settlers-kolonisashon Hulandes. Nan a enfoká ku Bonerianonan nativo ta enfrenta un riesgo di desaparishon kultural i físiko hopi prome ku kambio klimatiko emperiora den un krisis mundial.

Representante di teritorionan kolonisa, inkluyendo Guadeloupe, Martinique, Guiana Franses, Nueva Caledonia, Polynesia Franses, Sint Maarten, i Bonaire a partisipa, huntu ku diplomátikonan di Rusia, Suiza, Kazajistán, i otro paísnan. Ambos konferensia a resaltá e konekshon entre inhustisia kolonial históriko, derechonan humano, i e nesesidad di hustisia den e teritorionan ku a permanese kolonisa.

E evento aki ta un paso importante den e esfuerso kontinuo di BHRO pa defendé e derechonan di pueblo Boneriano na e esenario global.