Endy Croes: DURANTE CAMPAÑA MASAL CU MEP CANANDO DI CAS PA CAS SAN NICOLAS A HABRI PORTA HANCHO PA RICIBI ENDY

Compartiendo e plan y vision di partido MEP.

SANTA CRUZ: Den fin di siman ultimo, partido Mep a drenta masalmente cu tur e candidatonan districto di San Nicolas, na unda tur candidato a ricibi diferente ruta pa bay cover henter e area di San Nicolas. Endy Croes y Team Endy SI tabata activo un biaha mas, unda a bishita cas pa cas den San Nicolas cu a habri porta hancho pa ricibi Endy y cu un bon recepcion. A comparti e vision y e logronan di partido MEP den gobernacion. “Por a observa cu pueblo ta contento y e portanan ta habri un tras di otro,” Endy Croes a subraya. Tambe na Sabana Basora a tene un reunion di Ban Combersa cu Endy, unda cu Endy a brinda hopi informacion por medio di un excelente presentacion di trabounan realisa y a comparti tambe e shete (7) puntonan di prioridad di partido MEP y mester agrega cu un grupo grandi di persona a atende. Durante e encuentro a lansa hopi pregunta, pero Endy Croes a sa di contesta tur pregunta corectamente. Endy Croes candidato number cuater (4) riba lista di MEP ta trahando duro pa convence e pueblo di Aruba pa e continuidad y confiansa un biaha mas pa por sigui traha na bienestar di Aruba. “E recepcion actualmente ta uno exitoso”, Endy a indica. “Mi ta conta cu boso sosten dia seis (6) di december proximo! “Nos compromiso ta sigui”, Endy a finalisa. Un amigo pa semper! Endy SI!