Wendrick Cicilia #1 di AVP a bay pa bolter cos den Santa Cruz
Awe den oranan di mainta te atardi laat henter e team di AVP tabata den bario di Santa Cruz hunto cu e lijsttrekker Wendrick Cicilia.
Advertisements
Den combersacion cu e hoben politico aki el a bisa cu nan ta hiba e mensahe di speransa den tur bario y a sinti cu diadomingo den Santa Cruz tabatin un entusiasmo y alegria “pasobra e momento di cambio ta awo. Nos mester un cambio sigur.”
El a splica cu mester tuma decisionnan politico, pero decisionnan politico cu ta sirbi hende. Pa e motibo aki a prepara dies punto cu ta enfoca riba dje den campaña. “Ta momento pa nos bolter e cos y esey nos a haci den Santa Cruz,” Cicilia a bisa.
